“Jurnalistin Bakı Şəhər Baş Polis İdarəsinə çağırılması və orada polis şefi və şəhər prokuroru tərəfindən ona xəbərdarlıq edilməsi Sovet keçmişinə qayıdışdır”. Media hüquqları sahəsində ekspert Ələsgər Məmmədli “Azadlıq” qəzetinin əməkdaşı Natiq Adilovun polis idarəsinə çağırılmasını və orada ona yazılı xəbərdarlıq edilməsini Turan-a belə şərh edib.
Məmmədlinin sözlərinə görə, prokurorluq KİV-dəki nəşrlərə münasibət bildirə bilməz.
“Hansısa nəşrdə hüquq pozuntusu görülürsə, xüsusi ittiham qaydasında məhkəməyə müraciət etmək və ya inzibati-iqtisadi məhkəmələrə müraciət vermək lazımdır. Prokurorluq özü jurnalisti təqib edə bilməz”.
Onun fikrincə, prokurorluq KİV haqqında qanunun 10-cu maddəsini yanlış təfsir edib. Həmin maddədə Adilovun “ittiham olunduğu” əməllər yoxdur.
Xatırladaq ki, jurnalistin təqsiri kimi onun qəzetdəki və sosial şəbəkələrdəki məqalələrdə “yol verilən çərçivəni aşmaq, dövləti alçaltmaq, ölkənin nailiyyətlərinə kölgə salmaq” göstərilib. -06C-
Cəmiyyət
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
Rəy yaz