NİDA Gənclər Hərəkatının fəalı Elgiz Qəhrəmanın işi üzrə ibtidai istintaq başa çatıb. Bu barədə Turan-a onun vəkili Fariz Namazlı bildirib. Vəkilin sözlərinə görə, gələn həftə fəal və vəkil cinayət materialları ilə tanış olmağa başlayacaq. Bundan sonra cinayət işi baxılmaq üçün Bakı Ağır Cinayətlər Məhkəməsinə göndəriləcək.
F.Namazlı qeyd edib ki, E.Qəhrəman ruhdan düşmür, təcridxanada kitab oxuyur, hətta məntiq üzrə test hazırlamaqla məşğul olur.
Fəal avqustun 12-də saxlanılıb və CM-in 234.4.3-cü (külli miqdarda narkotik maddənin qanunsuz dövriyyəsi) maddəsi ilə həbs olunub. İstintaq bildirib ki, onun üzərindən 3,315 qr. heroin aşkar edilib. Lakin NİDA hərəkatı əmindir ki, fəal siyasi motivlərlə təqib olunur.
Hüquq müdafiəçiləri onu siyasi məhbus hesab edirlər. -06B-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz