Noyabrın 4-də saat 23:00 radələrində Xəzər dənizində baş vermiş zəlzələ nəticəsində “Günəşli” yatağının 10 saylı dərin dəniz özülündə silkələnmə müşahidə edilib. Xəbəri Azərbaycan Dövlət Neft Şirkəti yayıb.
Xəbərə görə, döşəmədəki dəmir lövhələrin bir neçəsində qaynaqdan qopmalar olub, işçilərin təhlükəsizliyinin təmin edilməsi məqsədilə onların bir hissəsi təxliyə edilib. Ekspertlər hadisə yerində texniki müayinə apararaq özüldə heç bir konstruktiv dəyişiklik müəyyən etməyiblər. Hazırda ərazidə təmir və istehsalat prosesləri ümumi rejimdə davam edir.
Xatırladaq ki, 2015-ci il dekabrın 4-də baş vermiş yanğın zamanı “Günəşli” yatağının 10 saylı dərin dəniz özülündə 34 nəfər xilas edilib, 17 nəfərin meyiti tapılıb. 15 nəfər hələ də itkin düşmüş sayılır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz