Elgiz Qəhrəmanın işi üzrə məhkəmə prosesi başlayıb

Bakı Ağır Cinayətlər Məhkəməsində NİDA fəalı Elgiz Qəhrəmanovun işi üzrə hazırlıq iclası keçirilib.

O, qanunsuz narkotik dövriyyəsi (3,315 qram heroin) ittihamı ilə həbs edilib.

Bu, fəalın facebook-da Azərbaycan Konstitusiyasına müxalifətin antidemokratik olduğunu və ölkəni monarxiyaya apardığını hesab etdikləri düzəlişlər üzrə referendumu tənqid etməsindən sonra baş verib. Buna görə fəalın yaxınları onun həbsini siyasi sifariş hesab edirlər, narkotik isə hakim rejimin əleyhdarlarını saxlamaq üçün tez-tez bu metoddan istifadə edən polis tərəfindən atılıb.

Prosesdə vəkil Fariz Namazlı məhkəmədən fəalı məhkəmə istintaqı dövründə ev dustaqlığına buraxmağı xahiş edib. Fəal bəraət hökmünə nail olmaq niyyətindədir, onun istintaqdan gizlənməsinin mənası yoxdur, deyə vəkil bildirib.

O, həmçinin gəncin şüşə qəfəsdən çıxarılıb vəkillərinin yanında oturmasına icazə verilməsini xahiş edib. O, Qəhrəmanın üzərinə əlavə baxış haqqında protokolun iş materiallarından çıxarılması barədə də vəsatət qaldırıb.

“Azərbaycan Ali Məhkəməsinin Plenumunun qərarına əsasən, saxlanılan şəxsin statusu müəyyən edilənə qədər o, təkrar baxışa məruz qoyula bilməz. Amma Qəhrəmana təkrar baxış protokolundan aydındır ki, həmin vaxt o, şübhəli şəxs belə deyildi. Buna görə protokol iş materiallarından çıxarılmalıdır”, deyə vəkil bildirib.

Daha sonra vəkil deyib ki, Qəhrəman işgəncə altında etirafedici ifadələr verib.

“Həbsim qanunsuzdur, qərəzlidir və sifarişlə həyata keçirilib”, deyə gənc bildirib.

Azad Məcidovun sədrlik etdiyi hakim heyəti vəsatətlərin heç birini təmin etməyib və mahiyyəti üzrə dinləmələri dekabrın 21-nə təyin edib. -06D-

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti