Açiq mənbələrdən foto.
Bakı/29.10.22/Turan: Oktyabrın 28-də Bakının Sabunçu Rayon Məhkəməsində Vətəndaş və İnkişaf Partiyasının lideri, üç ittiham hökmü əsasında həbsdə olan Əli Əliyevə qarşı cinayət işi üzrə hazırlıq iclası keçirilib.
Yanvarın 13-də Bakının Yasamal Rayon Məhkəməsi Əli Əliyevi böhtan ittihamı ilə 5 ay müddətinə azadlıqdan məhrum edib.
Sərhəd xidmətinin polkovnik-leytenantı Emil Cəfərov ona qarşı xüsusi ittiham qaydasında şikayət verib. Sərhəd xidmətinin digər zabiti Ramin Ədilov da Əliyevə qarşı analoji şikayətlə müraciət edib. Bu şikayət əsasında Əliyev daha bir ay həbs cəzası alıb.
Onların hər ikisi noyabrın 30-da Xızı rayonu ərazisində qəzaya uğrayan Mi-17 helikopterində sağ qalanlardır.
İddiaya 9 dekabr 2021-ci il tarixində Əliyevin Osmanqızı TV Youtube- kanalına verdiyi müsahibə səbəb olub.
Əsasən Əliyev ehtimal edib ki, vertolyot xarici təsir nəticəsində qəzaya uğraya bilər, ona görə də Sərhəd Xidmətinin vertolyotuna hücum Azərbaycan sərhədinə hücum kimi qiymətləndirilməlidir.
Əliyev təxribatın arxasında uzun müddətdir ki, Azərbaycan sərhədini nəzarətə götürməyə çalışan Rusiyanın ola biləcəyini istisna etməyib.
Sonradan hakim Yeni Azərbaycan Partiyasının keçmiş funksioneri Ramiz Göyuşovun iddiası ilə Əliyevin cəzası 1 ilədək artırılıb.
Yeni iş üzrə Əliyev Cinayət Məcəlləsinin 127.2.3 1-ci maddəsilə (qəsdən sağlamlığa zərər vurma) ittiham olunur. Əliyev öz kamera yoldaşına bədən xəsarəti yetirməkdə ittiham olunur.
Hakim Anar Rzayevin sədrliyilə keçirilən prosesdə Əliyev ittihamı uydurma və siyasi motivli adlandırıb.
İclasda o, bir sıra vəsatətlərlə çıxış edib. Bu barədə “Müdafiə xətti” hüquq- müdafiə təşkilatının rəhbəri Rüfət Səfərov bildirib.
“Əli Əliyev onunla eyni kamerada saxlanılan məhbusların proses zamanı dindirilməsini xahiş edib. O bunu məhbusların zərərçəkmiş kimi tanınan məhkumun şəxsiyyətini xarakterizə etmələrinin zəruriliyilə əsaslandırıb”, - Səfərov deyib.
Onun sözlərinə görə, Əliyev istintaqın hərəkətlərini də tənqid edərək bildirib ki, prokurorluq və Daxili İşlər Nazirliyi siyasi hakimiyyətin əlində alətdir.
Əli Əliyev cinayət işinə xitam verilməsini tələb edib. Lakin dövlət ittihamçısı buna etiraz edib. Hakim müdafiə tərəfinin vəsatətlərini təmin etməyərək mahiyyəti üzrə dinləmələri noyabrın 5-nə təyin edib. 06B
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz