![Əli İnsanov: «Heç bir siyasi, hüquqi və fiziki təhdid məni mübarizəmdən çəkindirə bilməz»](https://turan.az/resized/750/500/resize/media/2016/main/060900158639.jpg)
Əli İnsanov: «Heç bir siyasi, hüquqi və fiziki təhdid məni mübarizəmdən çəkindirə bilməz»
İyunun 9-da Azərbaycan Ali Məhkəməsi hakim İnqilab Nəsirovun sədrliyi ilə sabiq səhiyyə naziri Əli İnsanovun kassasiya şikayətinə baxıb və şikayəti təmin etməyib. Ə.İnsanov məhkəmədə iştirak etməyib.
Əli İnsanov 2005-ci ilin oktyabrında parlament seçkiləri öncəsi dövlət çevrilişinə cəhdə hazırlıq ittihamı ilə həbs edilib. Sonradan ittiham iqtisadi cinayətlərlə əvəz olunub. Sabiq nazir 2007-ci ilin aprelində rüşvət almaq, vəzifə səlahiyyətlərini aşmaq, bir sıra iqtisadi cinayətlər törətmək ittihamı ilə 11 il azadlıqdan məhrum edilib.
O, hüquq- müdafiə təşkilatları tərəfindən siyasi məhbus kimi tanınıb.
2013-cü il martın 14-də Avropa İnsan Hüquqları Məhkəməsi sabiq nazirin ədalətli mühakimə olunmadığı haqda qərar çıxarıb. Həmin qərara əsaslanan Azərbaycan Ali Məhkəməsinin Plenumu Əli İnsanovun işini yenidən baxılmaq üçün apellyasiya instansiyasına göndərib.
2014-cü ilin fevralında Bakı Apellyasiya Məhkəməsi Əli İnsanovun barəsində çıxarılmış 11 illik həbs qərarını qüvvədə saxlayıb.
Vəkil Toğrul Babayev Turan-a bildirib ki, Ali Məhkəməyə kassasiya şikayətinin 2015-ci ilin mayında verilməsinə baxmayaraq, heç bir qanuni əsas və səbəb olmadan işə 13 aydan sonra baxılıb.
“Azərbaycan Ali Məhkəməsinin Plenumu 15 noyabr 2013-cü il tarixində Avropa İnsan Haqları Məhkəməsinin (AİHM) qərarını əsas götürərək Apellyasiya Məhkəməsinin qərarını ləğv etsə də Ali Məhkəmə bu gün həmin qərarı qüvvədə saxlayıb”, - o qeyd edib.
Əli İnsanov vəkil vasitəsilə Ali Məhkəmənin bu gün çıxardığı qərarla bağlı bunları bildirib: “Heç bir məntiqə sığmayan, qanuna uyğun gəlməyən, açıq-aşkar bu siyasi qərar Azərbaycan məhkəmə sistemini qanundan kənarda qoyur. Azərbaycan hakimiyyəti özünün imzaladığı beynəlxalq sənədləri, götürdüyü öhdəlikləri inadkarlıqla inkar etməklə Azərbaycanın dünyada etibarsız tərəfdaşlıq imicini formalaşdırır. Mən hər zaman olduğu kimi rahat və nikbinəm. Heç bir siyasi, hüquqi və fiziki təhdid məni mübarizəmdən çəkindirə bilməz. Ali Məhkəmənin bugünkü qərarını əldə edən kimi təkrarən Avropa İnsan Haqları Məhkəməsinə şikayət edəcəm”, - sabiq naziri qeyd edib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz