![Əli Kərimlinin qohumu ölümlə hədələnir](https://turan.az/resized/750/500/resize/media/2016/main/081300165498.jpg)
Əli Kərimlinin qohumu ölümlə hədələnir
13 saylı koloniyada saxlanılan Elnur Seyidov avqustun 12-də axşam həyat yoldaşına telefon edərək ölümlə hədələndiyini bildirib. Söhbət bir neçə saniyə çəkib və Elnur ancaq bunu deyə bilib.
Xatırladaq ki, E.Seyidov AXCP lideri Əli Kərimlinin yaxın qohumudur və onun həbsinin əsl səbəbi də məhz budur, onun yaxınları hesab edirlər.
E.Seyidovun yaxınları əmindir ki, ona təhdidlərin səbəbi Ə.Kərimlinin siyasi fəaliyyətidir, əsasən Demokratik Qüvvələrin Milli Şurasının sentyabrın 26-da keçiriləcək referendumda Konstitusiyaya mürtəce düzəlişlərin qəbulunun qarşısını almağa çalışmasıdır.
Xatırladaq ki, E.Seyidov 2012-ci ildə həbs olunub və “Texnikabank”da mənimsəmə ittihamı ilə 7,5 il müddətinə azadlıqdan məhrum edilib.
Öz növbəsində Penitensiar Xidmətin mətbuat xidmətinin rəhbəri Mehman Sadıqov “Azadlıq” qəzetinə bildirib ki, 13 saylı koloniyanın rəisi deyib ki, Elnur Seyidovu heç bir təhlükə gözləmir.
Lakin koloniya administrasiyası E.Seyidovun vəkili Fəxrəddin Mehdiyevin məhkuma baş çəkməsinə izn verməyib. -02В-
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz