![Vəkil: «Natiq Cəfərli siyasi fəaliyyətinə görə həbs edilib» (YENİLƏNİB)](https://turan.az/resized/media/2016/main/081300165486-750-500-resize.webp)
Vəkil: «Natiq Cəfərli siyasi fəaliyyətinə görə həbs edilib» (YENİLƏNİB)
Tanınmış iqtisadçı və ictimai xadim Natiq Cəfərli ictimai-siyasi fəaliyyətinə görə avgustun 12-də gecə həbs edilib. Bu barədə vəkil Cavad Cavadov Turan-ın müxbirilə söhbətində bildirib.
Vəkil qeyd edib ki, N.Cəfərliyə qarşı Cinayət Məcəlləsinin 192.1 (qanunsuz sahibkarlıq), 308.2 (vəzifə səlahiyyətlərindən sui-istifadə - bu əməllıər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə) maddələrilə ittiham irəli sürülüb. Bunun altında hansı hərəkətlərin nəzərdə tutulduğu hələlik məlum deyil.
Vəkilin sözlərinə görə, onun həbsi üçün heç bir hüquqi əsas yoxdur. Bundan öncə də “QHT işləri” adlanan iş üzrə dəfələrlə istintaq orqanına çağırılıb və ifadə verib.
“Odur ki, onun həbsi üçün hər hansı hüquqi əsas mövcud deyil. Ona görə də Cəfərlinin həbsini ictimai-siyasi fəaliyyəti ilə əlaqələndirirəm”, - vəkil vurğulayıb.
“Hətta ona elan edilən Cinayət Məcəlləsinin 192-ci maddəsi dekriminalizasiya olunub. Buna baxmayaraq, Cəfərliyə bu maddə ilə ittiham irəli sürülüb”, - vəkil qeyd edib və məhkəmə qərarından apellyasiya şikayəti verəcəyini deyib.
Öz növbəsində hüquqşünas Ələsgər Məmmədli deyib ki, dərhal 4 ay müddətinə həbs ağır cinayətlər zamanı tətbiq edilir. Jurnalist Xədicə İsmayılova, hüquq müdafiəçisi İntiqam Əliyev və “QHT işləri” çərçivəsində digərlərinə qarşı analoji tədbirlər həyata keçirilib.
Müşahidəçilərin fikrincə, referendum ərəfəsində hakimiyyətin ictimai xadimlərin həbsinə başlaması istisna olunmur. Məqsəd Konstitusiyaya mürtəce düzəlişlərə və ölkənin monarxiyaya çevrilməsinə qarşı etirazları azaltmaqdır. -02В-
2016 Avqust 13 (Cümə) 09:00:50
REAL Hərəkatının icraçı katibi Natiq Cəfərli cümə günü axşamdan keçmiş saxlanılıb. Şənbə günü saat birə yaxın məhkəmə onun barəsində 4 ay müddətinə həbs qətimkan tədbiri seçib. Bu barədə Turan-a REAL Hərəkatından bildirilib.
N.Cəfərlinin nədə günahlandırıldığı bəlli deyil. Vəkil Cavad Cavadov güman edir ki, bu, QHT-yə qarşı cinayət işi ilə əlaqədardır.
Digər mənbələr bildiriblər ki, N.Cəfərli qanunsuz sahibkarlıqda ittiham edilir. Bunun özünü nədə göstərdiyi məlum deyil.
REAL Hərəkatı Konstitusiyaya düzəlişlərə qarşı fəal çıxış edib.
REAL Hərəkatının lideri İlqar Məmmədov 2013-cü ildən həbsdədir.--0--
-
- Cəmiyyət
- 13 Avqust 2016 10:53
-
- İqtisadiyyat
- 13 Avqust 2016 13:50
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Azərbaycanda deputat olmaq həvəsi... - Anar Əsədli Çətin sualda
Xəbər lenti
-
- Böyük Şərq,
- 18:34
- 203
-
- Cəmiyyət,
- 16:20
- 304
-
- Cəmiyyət,
- 13:23
- 303
Rəy yaz