![Əlillər hüquqsuzluqdan şikayət edirlər](https://turan.az/resized/media/2014/main/012400066702-750-500-resize.webp)
Əlillər hüquqsuzluqdan şikayət edirlər
Əlillərin Hüquqlarını Müdafiə Komitəsinin sədri Məğrur Bədəlsoy əlillərin sosial hüquqlarının pozulması ilə bağlı cümə günü RATİ-də mətbuat konfransı keçirib.
Komitə sədri ölkədə əlillərin mülkiyyət, sosial təminat və yaşamaq hüquqlarının belə təmin olunmadığını nəzərə çatdırıb. Əlillərə ayrılan torpaqların məhkəmələr vasitəsilə məmurlar tərəfindən asanlıqla mənimsənildiyi qeyd olunub. Belə haqsızlıqlara cavab olaraq keçən il dekabrın 25-də Qarabağ qazisi Zaur Həsənlinin özünü yandırması xatırladılıb.
Onun sözlərinə görə, əlillərin vəsaiti ilə tikilən “Həyat” ticarət mərkəzindən əlillər yox, məmurlar faydalanır. Bundan əlavə, Nabrandakı Əlillərin istirahət evi məmurlar tərəfindən özəlləşdirilib. “Əlillərin sosial müdafiəsi haqqında” qanunun işləməməsi vurğulanır. Komitə sədri əlillərin sanatoriya-kurort istirahətindən, sığorta ödənişlərindən, sosial-tibbi prosedurlardan məhrum oldunduqlarını ifadə edir. O deyib ki, Nərimanov rayonu Rəcəbli küçəsində əlillərə tikilən binanın infrastrukturu üçün nəzərdə tutulan ərazisində ayrı-ayrı şəxslər villalar tikib. Villalar qaz xətlərinin üstündə tikildiyi üçün binaya qaz xətti 5 ildən sonra çəkilib, həm də fasilələrlə verilir.
Bütün hüquqların pozulması ilə bağlı ən yüksək instansiyalara müraciət olunsa da, cavab olmayıb. -05C-
-
- İqtisadiyyat
- 24 Yanvar 2014 15:47
-
- Cəmiyyət
- 24 Yanvar 2014 16:32
Cəmiyyət
-
Hakim Yeni Azərbaycan Partiyası (YAP) iyulun 17-də sentyabrın 1-də keçiriləcək növbədənkənar parlament seçkiləri ilə bağlı bütün 125 dairə üzrə namizədlərinin siyahısını açıqladı. Əvvəlki çağırış parlamentində təmsil olunan hakim partiya nümayəndələrinin bəziləri həmin namizədlərin arasında yoxdur.
-
Azərbaycanın milli aviadaşıyıcısı AZAL Bakı-Düşənbə-Bakı marşrutu üzrə uçuşlara başlayır.
-
İnnovativ məhsul və xidmətləri ilə hər zaman öndə olan “Bakcell”dən smartfonunu yeniləmək istəyən abunəçilərə şad xəbər! “Bakcell” mağazalarından hissəli ödənişlə smartfon alan abunəçilərə 18 ay müddətində xüsusi seçilmiş tariflərdən biri hədiyyə olunacaq.
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
Rəy yaz