![Quşçuluğun inkişafı müzakirə edilib](https://turan.az/resized/media/2014/main/012400066682-750-500-resize.webp)
Quşçuluğun inkişafı müzakirə edilib
Bu gün Bakı Biznes Mərkəzində iqtisadiyyat və sənaye naziri Şahin Mustafayev və kənd təsərrüfatı naziri Heydər Əsədovun iştirakı ilə sahəsində fəaliyyət göstərən müəssisələrin rəhbərləri ilə görüş keçirilib, quşçuluq sahəsinin inkişafı perspektivləri müzakirə edilib.
Ölkədə sənaye üsulu ilə quş əti istehsalının torpaq vergisi istisna olmaqla bütün vergilərdən, eləcə də quşçuluq üçün avadanlıqların idxalının gömrük rüsumu və əlavə dəyər vergisindən azad olunub. Həmçinin yeni texnologiyaların tətbiqi bu sahənin inkişafını daha da sürətləndirib, quşçuluq təsərrüfatlarının quş əti və damazlıq yumurta üzrə istehsal gücləri artıb.
Sahibkarlığa Kömək Milli Fondu tərəfindən müasir texnologiyalara əsaslanan və illik istehsal gücü 55 min ton quş əti, 84 mln. ədəd damazlıq yumurta və 164,5 mln. ədəd əmtəəlik yumurta olan 39 quşçuluq təsərrüfatının maliyyələşdirilməsinə 98 mln. manatdan çox güzəştli kredit verilib. Bu vəsaitlə 28 quşçuluq təsərrüfatı istifadəyə verilib, 2014-cü il ərzində daha 11 quşçuluq təsərrüfatının fəaliyyətə başlaması gözlənilir.
Nəticədə son 3 ildə quş əti istehsalı 1,5 dəfədən çox artaraq 2013-cü ildə 97.3 min tona, o cümlədən sənaye üsulu ilə quş əti istehsalı 2,6 dəfə artaraq 55 min tona çatıb. Həmçinin ixrac potensialı var.
Dövlətstatkoma görə, 2009-2012-ci illərdə ölkəyə quş əti idxalı 34 mindən 12 min tona azalıb. İllik tələbat (105 min ton) əvvəlki səviyyədə qalır. 2012-ci ildə 1 226 mln yumurta istehsal olunub (+21,3%). Ötən il bu göstərici 1,4 mlrd ədəd olub.
İri broyler fabrikləri Şabran, Siyəzən, İmişli, Hacıqabul, Xızı, Neftçala və Abşeronda yerləşir.
Dövlət proqramına əsasən, 2015-ci ildə quşçuluq məhsullarına tələbat yerli istehsal hesabına təmin edilməlidir. 08D
-
- İqtisadiyyat
- 24 Yanvar 2014 15:37
-
- Cəmiyyət
- 24 Yanvar 2014 16:30
İqtisadiyyat
-
Azərbaycan Respublikası Dövlət Neft Fondu (ARDNF) 2024-cü ilin ikinci rübü üzrə fondun investisiya fəaliyyətinin yekunlarına əsasən, qızıla investisiyanın ötən illə müqayisədə 3,3% artdığını bildirib. Hazırda qızıla investisiyalar 8,57 milyard ABŞ dolları və ya ARDNF-nin dollar portfelinin 14,8%-ni təşkil edir.
-
Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində bildirib ki, Azərbaycana səfəri zamanı İsrailin regional əməkdaşlıq naziri David Amsalem ilə innovasiyalar kosmos və aviasiya sahəsində əməkdaşlıq məsələləri müzakirə olunub..
-
Ekspertlər xəbərdarlıq edir ki, neft gəlirlərinin azalması və artan inflyasiya təzyiqləri iqtisadi sabitliklə bağlı narahatlıqları artırdığından, Azərbaycan valyuta devalvasiyası gözləntilərinin artmasına hazırlaşır.
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
Rəy yaz