Elşad Abdullayevin tibb mərkəzi haqqında iş üzrə məhkəmə başa çatdı

Ağır Cinayətlərə dair İşlər üzrə Məhkəmə keçmiş Beynəlxalq Universitet nəzdindəki Tibb Mərkəzinin baş həkimi Dilarə İsmayılovanı iki il şərti azadlıqdan məhrumetmə cəzasına məhkum edib. O, qanunsuz orqan köçürülməsi üzrə əməliyyatların təşkilində təqsirli bilinib.

İlkin olaraq Baş Prokurorluq vəzifə səlahiyyətlərindən sui istifadə haqqında cinayət işi açıb.

İstintaqın versiyasına görə, Dilarə İsmayılova İsrail vətəndaşları Boris Volfman və Yuri Katsla əlbir olaraq, müvafiq lisenziya olmadan və İnsan orqan və toxumalarının nəqli haqqında Azərbaycan qanununu pozaraq, əməliyyatlar təşkil edib.

2009-cu ilin mart-dekabr aylarında bu klinikada 11 İsrail, 1 Fransa, 1 ABŞ vətəndaşına orqan köçürülməsi həyata keçirilib, onların donorları müxtəlif ölkələrin vətəndaşları olub. Ümumilikdə, 13 cərrahi əməliyyat həyata keçirilib, bu əməliyyatlara görə Dilarə İsmayılova 130 min dollar alıb.

Sonradan istintaq 137.3-cü (insan orqanlarının alış-satışı) və 308.2-ci (vəzifə səlahiyyətlərindən sui-istifadə) maddələrlə cinayət işi açıb.

ABU-nun siyasi mühacirətdə olan keçmiş rektoru Elşad Abdullayev də eyni maddələrlə ittiham edilir. Nəsimi rayon məhkəməsi onun həbsinə icazə verib, bununla əlaqədar olaraq Elşad Abdullayev barəsində beynəlxalq axtarış elan edilib. -04D-