![Ə.Məmmədli: Bu qiymətlər kommersiya marağının ifadəsidir](https://turan.az/resized/media/2016/main/083000167194-750-500-resize.webp)
Ə.Məmmədli: Bu qiymətlər kommersiya marağının ifadəsidir
2016-cı il sentyabrın 26-da ölkədə referendum keçirilməsi gözlənilir. Bununla bağlı bəzi media qurumları ödənişli olaraq referendum öncəsi təşviqata qoşulmaq üçün Mərkəzi Seçki Komissiyasına (MSK) müraciət ediblər. Xəbəri MSK yayıb.
Xəbərdə müraciət edənlər sırasında “Report”, “Trend”, “Gündəlik Teleqraf”, “APA Holdinq”, 1news agentliklərinin adları çəkilir.
Qəzetlər sırasında “Azərbaycan”, “Həftə içi”, “Yeni Azərbaycan”, “Bakinski Raboçi”, “Xalq Cəbhəsi”, “525-ci qəzet”, “Xalq qəzeti”, “Mövqe”, “İki Sahil” qəzetləri yer alır.
Teleradio kanallarına gəlincə, burada “İctimai Televiziya və Radio Yayım Şirkəti”, “Lider TV və Radio Yayım Şirkəti”, “Xəzər TV” və “Azad Azərbaycan TV” yer alır.
Əlbəttə, burada tərəfləri daha çox telekanallardakı qiymətlər maraqlandırır.
Qiymətlər isə təşviqatın aparıldığı vaxtdan asılı olaraq dəyişir. Məsələn, İctimai TV-də saat 11:50-dən saat 16: 50-yə kimi bir saniyə 20 - 24 manat arasında dəyişir, 16:50-dən 17:30-a kimi 30 manat, 17:30-dan 18:40-a kimi 35 manat, 18:40-dan 20:20-yə və daha sonra 50 manat təşkil edir.
Lider TV-də saat 07: 00-dan 18:00-a kimi 1 dəqiqə 80 manat, 18:00-dan 24:00-a kimi 160 manatdır. Şənbə, bazar günləri isə göstərilən saatlardan asılı olaraq qiymətlər 100-200 manat arasında dəyişir.
“Xəzər TV” saat 20:30-dan 23:30-a kimi hər saniyə üçün 40 manat tələb edir. Amma 5-7 dəqiqəlik çıxış üçün qiymət saat 12:00-dan saat 13:59-a kimi 3 min manat, saat 14:00-dan 16:00-a kimi 3500 manat, 16:00-dan 19:00-a kimi 5 min manat, 19:00-dan saat 20:29-a kimi isə 8 min manat təşkil edir.
“Azad Azərbaycan” telekanalında isə 30 saniyə üçün qiymətlər 1200-1980 manat arasında dəyişir.
Hüquqşünas Ələsgər Məmmədli bu qiymətləri astronomik adlandırıb və əlçatan olmadığını deyib. Ekspert hesab edir ki, büdcədən maliyyələşən “İctimai TV-nin bir saniyə üçün qiyməti 50 manat təyin etməsi ağlasığmaz bir haldır. “Bu, 1 saat üçün 180 min manat deməkdir. Ya, “Azad Azərbaycan” 1 saniyə üçün bu qiyməti 40 manat müəyyən edib ki, bu da 1 saat üçün 144 min manat deməkdir. O deyir ki, “Azərbayacan” qəzeti 1kv santimentri 4-7 manatdan müəyyən edib ki, bu da bir səhifəlik yazının 20 manata başa gəlməsi deməkdir.
“Seçki, eləcə də referendum kommersiya marağı deyil, ictimai maraqların ifadəsidir. Odur ki, burada ictimai maraqların ifadə edilməsi öndə olmalıdır. Ona görə də bu məsələdə müəyyən edilən qiymətlər kommersiya marağından irəli gəlib və ictimai maraqları ifadə etmir”.
-
- İqtisadiyyat
- 30 Avqust 2016 16:55
Cəmiyyət
-
Avqustun 6-da Bakıda hava tutqun, yağışsız olacaq. Güclü şimal-qərb küləyi əsəcək. Havanın temperaturu gecə 19-23 dərəcə, gündüz 26-29 dərəcə təşkil edəcək.
-
"Meymunçiçəyi" virusunun sürətlə yayılması hallarını nəzərə alaraq, Azərbaycan ərazisində profilaktik tədbirlərin keçirilməsi nəzərdə tutulur.
-
HONOR cihazlarını əldə edən abunəçilərə “SuperSən” tarif paketlərinə 50% endirim Yeni tədris ilində Honor smartfonları və “SuperSən” tarif paketi daha əlçatandır! Qarşıdan gələn tədris ilində abunəçilərini daha da sərfəli internet və danışıq xidmətləri ilə təmin etməyi hədəfləyən “Azercell Telekom” MMC yeni kampaniyaya start verir.
-
Azərbaycanda növbədənkənar parlament seçkiləri üç gündür arxada qalıb. Artıq bütün 125 dairə üzrə lider namizədlər də açıqlanıb. Amma bir neçə dairələrlə bağlı ardıcıl şikayətlər eşidilməkdədir. Mərkəzi Seçki Komissiyasının (MSK) sədri Məzahir Pənahov bugünlərdə bildirmişdi ki, quruma nə müraciət daxil olacaqsa, arzu edilən bütün beynəlxalq müşahidəçilərin, media nümayəndələrinin iştirakı ilə araşdırılacaq: "Pozuntu kimi təqdim edilən bütün məsələlər çox ətraflı, şəffaf şəkildə araşdırılacaq və müvafiq qərarlar qəbul olunacaq".
Rəy yaz