Emil Məmmədov həbsdə saxlanılıb
Şirvan Apellyasiya Məhkəməsi yerli “Demokratiyaya Yardım” qeyri-hökumət təşkilatının rəhbəri Emil Məmmədovun barəsində üç ay həbs qətimkan tədbirinin seçilməsinə dair qərarı qüvvədə saxlayıb.
Vəkil Elçin Sadıqov Turan-a bildirib ki, müdafiə tərəfi həbs qətimkan tədbirinin ev dustaqlığı ilə əvəzlənməsi barədə Salyan Rayon Məhkəməsində vəsatət qaldıracaq.
E.Məmmədov sübutsuz-dəlilsiz bəyanatların əsasında pul almaq ittihamı ilə həbs olunub. Fakt üzrə CM-in 182.2.2-ci maddəsi (hədə-qorxu yolu ilə pul almaq) ilə cinayət işi qaldırılıb.
“Demokratiyaya Yardım” QHT cənub regionunda fəal vətəndaş cəmiyyəti institutlarından biridir. Qurumun rəhbəri E.Məmmədov rayon hakimiyyəti strukturlarında korrupsiya faktları barədə dəfələrlə açıqlama verib, həmçinin yerli sakinlərin vətəndaş hüquqlarının müdafiəsinə qalxıb. Bu QHT hasilat sənayesində vətəndaş nəzarəti şəbəkəsinin bəzi layihələrində iştirak edib. Bütün bunlar yerli hakimiyyəti möhkəm qıcıqlandırıb və hakimiyyət fəala qarşı təqib kampaniyasına başlayıb. O, dövlət əleyhinə fəaliyyətdə ittiham olunub.
Bundan əvvəl Salyan rayonunun 350 sakini dövlət başçısına müraciət edərək yerli vətəndaş fəalı Emil Məmmədovun işinin ədalətli araşdırılmasını xahiş edib. Müraciətdə qeyd olunub ki, 2007-ci ildə qeydə alınan demokratiyaya dəstək Birliyi ətraf rayonların vətəndaşlarının soaisl və ekoloji hüquqlarının müdafiəsi ilə məşğul olub. E.Məmmədov Salyan rayonunda vəsaitlərin mənimsənilməsi faktlarını aşkar etdikdən sonra onun timsalında Birliyin rəhbərliyinə qarşı təqiblər başlayıb.—0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz