Emin Saqiyev. Açiq mənbələrdən foto.
Emin Saqiyev 25-ci gün aclığı dayandırıb
Bakı/11.09.20/Turan: Hüquq müdafiəçiləri tərəfindən siyasi məhbus kimi tanınan Emin Saqiyev 24 gün aclıq etdikdən sonra sentyabrın 11-də vəkili Bəhruz Bayramovla görüşündən sonra aclığı dayandırıb.
Vəkil B.Bayramov Turan-a bildirib ki, E.Saqiyev onun təkidli xahişlərindən sonra aclığı dayandırıb.
Vəkilin sözlərinə görə, sentyabrın 12-də o, Ali Məhkəmənin Plenumuna əlavə kassasiya şikayəti verəcək. Bundan başqa vəkil və E.Saqiyevin ailə üzvləri Əfv Komissiyasına müraciət edəcəklər.
Aclıq nəticəsində E.Sagiyev çox zəifləyib, çəki itirib və çətinliklə. Vəkil qeyd edib ki, E.Saqiyev aksiyanı müvəqqəti olaraq dayandırıb və yaxın zamanlarda azad edilməsə, aclıq aksiyasını bərpa edəcək.
Xatırladaq ki, E.Saqiyev 2017-ci ilin noyabrında həbs olunub. 2018-ci ildə isə külli miqdarda narkotik maddə alveri ittihamı ilə 7 il müddətinə mühakinə edilib. Amma yerli hüquq müdafiəçiləri əmindirlər ki, E.Saqiyevi qohumu, siyasi mühacir Türkel Azərtürkün jurnalist fəaliyyətinə görə cəzalandırıblar. Sonuncu artıq bir neçə ildir ki, Avropada yaşayır və “Azərbaycan satı” İnternet resursunda Azərbaycan hakimiyyətini kəskin tənqid edib.
Avqustun 18-də Ali Məhkəmə onun barəsində hökmdən kassasiya şikayətini təmin etmədikdən sonra E.Saqiyev aclıq aksiyasına başlamışdı.—06В-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz