Əmlak Məsələləri Dövlət Komitəsi yeni elektron xidmətlər portalını təqdim edib
Çərşənbə axşamı Əmlak Məsələləri Dövlət Komitəsi öz elektron xidmətlər portalının www.e-emdk.gov.az təqdimatını keçirib.
Dalğa Plaza otelində keçirilən təqdimatda ƏMDK-nın aparat rəhbəri İlqar Nəbiyev jurnalistlərə bildirib ki, yeni resurs vətəndaşlarla dövlət komitələri strukturları arasında şəffaf münasibətlərin qurulmasına, həmçinin mülkiyyət hüquqlarının qeydiyyatı sahəsində operativ elektron xidmətin əldə olunmasına imkan yaradır.
Elektron xidmətin 9 yeni növü barədə informasiya təqdim edilib. Məsələn, informativ və interaktiv imkanların köməyilə əmlakın təkrar qeydiyyatını aparmaq olar, daşınmaz əmlak haqqında şəhadətnamənin almaq, müsadirə olunmuş əmlakın satışı, həmçinin əmlak haqqında xüsusi hesabatlar haqda məlumat almaq olar.
Yeni resurs həmçinin 2012-ci ilin mayında ƏMDK tərəfindən buraxılan portala inteqrasiya edilib. Bu 7 gün ərzində təkrar qeydiyyat, 1-5 gün ərzində əmlak haqqında arayış almağa imkan verir.
Dövlət Komitəsinin məlumatına görə, bir ildən az müddətdə 3500 elektron müraciət daxil olub ki, bunlara da baxılıb.
Elektron xidmətin 13 növünü birləşdirən portal Azərbaycan prezidentinin “Dövlət orqanları tərəfindən elektron xidmətlərin göstərilməsi üzrə bəzi tədbirlər haqqında” 23 may 2011-ci il tarixli fərmanına uyğun olaraq yaradılıb.
Yeni resurs “Elektron hökumət” layihəsinin tərkib hissəsidir. Layihə Azərbaycan Respublikasının inkişafı naminə informasiya-kommunikasiya texnologiyaları üzrə milli strategiya” 2003-2012-ci illər) əsasında hazırlanıb və “Elektron Azərbaycan” Dövlət Proqramı çərçivəsində həyata keçirilir.
“Elektron hökumət” layihəsi beynəlxalq donorların tövsiyələri və vəsaitləri hesabına həyata keçirilir. Ən iri donor Dünya Bankıdır ($30 mln.).
Ötən həftə Rabitə və İnformasiya Texnologiyaları Nazirliyi Cənubi Koreyanın Xarici İşlər Nazirliyi ilə 3,7 milyon dollar dəyərində qrant sazişi imzalayıb. Cənubi Koreya XİN “E-hökumət” layihəsi çərçivəsində treninq-mərkəzlərin yaradılmasını maliyyələşdirir.—0—
-
- İqtisadiyyat
- 23 Aprel 2013 13:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz