Ə.Mustafayev: Bu işdə ailəni kənar saxlayıblar

Bu gün Səbail Rayon Məhkəməsində Jurnalsit Rasim Əliyevin qətlilə bağlı həbs edilən futbolçu Cavid Hüseynovun işi üzrə hazırlıq iclası olub. İşə Səbail rayon hakimi Elmar Rəhimov sədrlik edir.

Jurnalistlər məhkəmə zalına buraxılmayıblar.

Jurnalist R.Əliyevin ailəsinin vəkili Əsabəli Mustafayev Turan-a açıqlamasında bu işdə Əliyevlərin adlarının nə şahid, nə də zərərçəkən kimi keçdiyini deyib. “Ümumiyyətlə ailəni bu işdən kənar saxlayıblar. Prokuroluq elə etdi ki, C.Hüseynovun işi ümumi icraatdan ayrıldı. İndi də çalışırlar ki, bu cianyət işi ictimaiyyətin diqqətindən kənarda qalsın”, - deyə Ə.Mustafayev bildirib.

Xatırladaq ki, jurnalist R.Əliyev 2015-ci il avqustun 8-də döyüllüb, döyülməsinə səbəb sosial şəbəkədə C.Hüseynovla söz polemikası olub. Daha sonra R.Əliyev xəstəxanaya yerləşdirilib, avqustun 9-u səhərə yaxın orada vəfat edib. Bu işlə bağlı C.Hüseynova yaxın 5 nəfər Bakı Ağır Cinayətlər üzrə Məhkəmədə mühakiə edilir.

C.Hüseynov bu cinayət işinə ağır cinayəti bilib xəbər verməmək ittihamı ilə cəlb edilib. Amma istintaqın sonuna yaxın bu iş ümumi icraatdan ayrılıb. -05B-