Texnoloqun qətlində şübhəli bilinənlər həbs ediliblər

Daxili İşlər Nazirliyi Qalib Bağırovun qətlilə bağlı açıqlama yayıb.

Q.Bağırovn meyiti 2016-cı il yanvarın 8-də Hövsan qəsəbəsi, “Bağlar” yaşayış massivindəki evində aşkar edilib. İstintaq-əməliyyat qrupu hadisə yerinə baxış keçirib.

Fakt üzrə Cinayət Məcəlləsinin quldurluqla bağlı qəsdən adamöldürmə, zərərçəkmiş şəxsin sağlamlığına zərər vurmaqla quldurluq maddələrilə cinayət işi başlanıb. 

İstintaq-əməliyyat tədbirləri nəticəsində cinayəti törətməkdə şübhəlli bilinən Ehtiram Həsənov, Məhnurə Hüseynova və Mübariz Əliyev istintaqa cəlb ediliblər. Hər üç şəxs barəsində həbs-qətimkan tədbiri seçilib.         

İstintaq bu şəxslərin öncədən əlbir olaraq həmin gün saat 7 radələrində Qalib Bağırovu yaşadığı bağ evində çoxsaylı xəsarətlər yetirmək və iplə boğmaqla qəsdən öldürdüklərini müəyyən edib. Qətldən sonra mənzildə olan 300 manat, 30 avro, 10 dollar, 10.000 Belarus rublu məbləğində pul vəsaiti, mərhuma məxsus gödəkcə, papaq, mobil telefon və planşeti götürərək hadisə yerindən gediblər.

Hazırda cinayət işi üzrə zəruri istintaq-əməliyyat tədbirləri davam etdirilir.

Q.Bağırovun qətlilə bağlı ilk vaxtlarda onu “Taxıl Kombnatı”nın direktoru kimi təqdim edirdilər. Nazirliyin rəsmi açıqlamasında isə Q.Bağırov kombinatın texnoloqu kimi təqdim edilir. -05D-