Maliyyə-bank sahəsində böyük sarsıntılara baxmayaraq, 2015-ci ildə “Kapital Bank” ASC-nin aktivləri 46,8% artaraq 2 mlrd manat təşkil edib.
Maliyyə hesabatına əsasən, müştərilərə verilən kredit həcmi 1 mlrd 161,6 mln manat olub. Bank onların bir hissəsinin qaytarılmamaq ehtimalını nəzərə alarq 76 mln manat ehtiyat formalaşdırıb. 2015-ci ildə bankın kredit portfeli 32,4% genişlənib.
Ötən il “Kapital Bank” ASC-nin depozitləri 72% artaraq 1 mlrd 45 mln manatı keçib.
2016-cı il yanvarın 1-i üçün səhmdar kapitalı 286,8 mln manat, o cümlədən nizamnamə kapitalı 185 mln manat olub. Ötən il səhmdarlar mənfəəti dividend ödənişinə yönəldib.
“Kapital Bank” ASC-nin 170-dək səhmdarı var. Səhmdarları Pasha Holding (99,87%) və fiziki şəxslərdir (0,13%). 08B
İqtisadiyyat
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
-
Azərbaycanda Avropada, Yaxın Şərqdə və Afrikada ayaq və ağız xəstəliyi və yüksək patogen quş qripi epidemiyalarının yayılması ilə əlaqədar olaraq, bəzi bölgələrdən iri buynuzlu heyvanların, quşların və onlarla əlaqəli məhsulların idxalı müvəqqəti olaraq dayandırılıb. Bu barədə ölkənin Qida Təhlükəsizliyi Agentliyi (AQTA) məlumat yayıb.
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
Rəy yaz