Bakı/30.06.17/Turan: "D-18" Vətəndaş Hərəkatı, iyunun 30-da 2016-2017-ci tədris ili üçün ənənəvi "İlin avtoritar rektoru" sorğusunun nəticələrini elan edib.
Hərəkatın açıqlamasında deyilir ki, sorğu 1 həftə ərzində sosial şəbəkələrdə keçirilib. Sorğuda əsasən 18-25 yaş arasında olan şəxslər iştirak edib və sorğuda 13 universitet rektorunun adı hallanıb.
Sorğuda ilk üçlüyə Bakı Slavyan, Memarlıq və İnşaat və Bakı Dövlət universitetlərinin adları düşüb.
"İlin avtoritar rektoru" isə 33 faiz səslə Bakı Slavyan Universitetinin rektoru Nurlana Əliyeva seçilib, təsis edilən "mükafat" rektora poçtla çatdırılacaq", açıqlamada belə deyilir.
Bu məsələ ilə bağlı Bakı Slavyan Universiteti hər hansı açıqlama verməyib.
Xatırladaq ki, "İlin avtoritar rektoru" sorğusu 3-cü ildir ki, keçirilir. Hərəkat 2014-2015 tədris ilində BDU-nun rektoru Abel Məhərrəmovu, 2015-2016 tədris ilində isə İqtisad Universitetinin rektoru Ədalət Muradovu "İlin avtoritar rektoru" elan edib. -0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz