The State Security Service of Azerbaijan has arrested the leader of the Armenian separatists Bako Sahakyan. The plot of October 5 , 2023
Bakı/12.10.23/Turan: Ərəb sosial şəbəkələrində guya İsrail generallarının HƏMAS tərəfindən həbs olunduğunu əks etdirən video xeyli sayda layk və repost toplayaraq virusa çevrilib. Lakin daha yaxından baxıldıqda yalan, dezinformasiya və yalnış identifikasiya hadisəsi aşkar edilir, usatoday.com. bildirib.
8 oktyabrda X şəbəkə istifadəçisi bu videonu yerləşdirib, aktivlik və cəlbedicilik şkalasını yaradıb. Ancaq CrowdTangle tərəfindən istintaq hərəkətləri videonu dələduzluq kimi ifşa edib. CrowdTangle-ın sosial şəbəkələri analiz alətinə görə, yazı bir gündə Facebook-da 9000-dən çox layk və 30 repost toplayıb. Eyni versiyalar digər platformalarda da görünməyə başlayıb.
Sözügedən video İsrail generallarının həbsini nümayiş etdirmək əvəzinə, əslində erməni separatçı qruplaşmasının liderlərinin saxlanmasını təsvir edir. Azərbaycanın xüsusi xidmət orqanları həmin şəxsləri həbs ediblər. Qeyd edək ki, bu həbslər HƏMAS-ın İsrailə hücumundan dörd gün əvvəl baş verib.
Qandallanmış məhbusların lentə alındığı videonun daha ətraflı versiyası oktyabrın 5-də, HƏMAS-ın hücumundan iki gün əvvəl YouTube-da yerləşdirilib və Azərbaycan Təhlükəsizlik Xidmətinə aid edilib. Videonun adı göstərir ki, orada Dağlıq Qarabağ regionunda qanunsuz silahlı birləşmələrlə əlaqəli olan şəxslərin saxlanılması göstərilir.
Google Translate-ə görə, videonu Azərbaycan dilində müşayiət edən təsvirdə deyilir: "Dövlət Təhlükəsizlik Xidməti Azərbaycan Respublikasının Qarabağ regionunda fəaliyyət göstərən qanunsuz silahlı birləşmələrin törətdiyi terror aktları faktı üzrə cinayət işini davam etdirir". Videoda keçən üç nəfər Arkadi Qukasyan, Bako Saakyan və David İşxanyan oktyabrın 3-də həbs olunublar.
Associated Press bu versiyanı təsdiqləyir və bildirir ki, sentyabrda hərbi əməliyyat nəticəsində Azərbaycan qüvvələri Dağlıq Qarabağı tez bir zamanda geri qaytardıqdan sonra separatçıların bir neçə digər lideri də oxşar aqibətlə üzləşib.--0--
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz