Bakı/04.10.19/Turan: Azərbaycanın "Qarabağ" klubu Avropa Liqasının qrup mərhələsi çərçivəsində rəqib meydançasında Lüksemburqun "Dyudelanj" komandasına 4:1 hesabı ilə qalib gəlib.
Amma oyun qələbədən başqa, erməni təxribatı ilə də yadda qalıb. Belə ki, oyunun 30-cu dəqiqəsində hesab 2:0 olduğu zaman meydan üzərində Azərbaycanın işğal edilmiş ərazilərindəki separatçı rejimin bayrağını daşıyan dron qaldırılıb. Hakim "Qarabağ" futbolçularının etirazını nəzərə alıb, matçı dayandırıb və komandaları soyunma otaqlarına göndərib. Fasilə 25 dəqiqə çəkib. Lüksemburqun idman naziri stadionda baş verən hadisəyə görə ölkə hökuməti adından üzr istəyib, qəbul edən tərəfin bununla əlaqəsi olmadığını və baş verənlərə görə təəssüf etdiyini bildirib.
Oyunun özünə gəlincə, Azərbaycan çempionları 11-ci dəqiqədə hesabı açıblar. "Qarabağ"ın yarımmüdafiəçisi Abdella Zubir Qara Qarayevdən dəqiq pas alaraq, rəqibin cərimə meydançasına daxil olub və qapıya dəqiq zərbə vurub. İkinci qolun müəllifi 30-cu dəqiqədə "Qarabağ"ın İspaniyalı legioneri Miçel olub, o, digər İspaniyalı Dani Kintananın başı ilə vurduğu zərbəni qapıya göndərib. 37-ci dəqiqədə elə həmin Miçelin cərimə meydançasında yıxılmasına görə "Qarabağ" 11 metrəlik cərimə zərbəsi zərbəsi atmaq hüququ qazanıb. Riçard Almeyda zərbəni dəqiq vurub. 60-cu dəqiqədə "Qarabağ" hesabı 4:0-a çatdırıb. Qolun müəllifi Dani Kintana olub. Oyunun sonunda ev sahibi bir qol vurmağa müvəffəq olub. 90-cı dəqiqədə Bernier qol vurub.
Qrupumuzun paralel maçında İspaniyanın "Sevilya" komandası öz meydançasında Kiprin APOEL komandasına 1:0 hesabı ilə qalib gəlib.
İki mərhələdən sonra Azərbaycan çempionu üç bal qazanıb və qrupda ikinci pilləyə yüksəlib. "Dyudelanja" da üç bala malikdir. Qrupa İspaniyanın "Sevilya" klubu 6 balla liderlik edir. Dördüncü yerdə balı olmayan Kiprin APOEL komandası gəlir.
"Qarabağ" növbəti maçı oktyabrın 24-də kiprlilərə qarşı öz meydançasında oynayacaq. -71D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz