Ermənilər 15 yaşlı Tərtər sakinini əsir götürüblər

Azərbaycan vətəndaşı Cavid Samir oğlu Məmmədov Qarabağın şimal-şərqində ermənilərə əsir düşüb.

Qarabağ separatçılarının məlumatına görə, sentyabrın 5-də saat 18:10-da Çaylı kəndinin yaxınlığında cəbhə xəttini keçməyə cəhd edərkən saxlanılıb.

Azərbaycan Müdafiə Nazirliyində məlumatı təsdiqləyərək bildiriblər ki, müvafiq araşdırma aparılır.

ANS-in məlumatına görə, C.Məmmədovun 15 yaşı var və Tərtərdə 2 saylı məktəbdə oxuyur.

Qohumlarının sözlərinə görə, senyabrın 5-də səhər çayda çimmək və balıq tutmaq üçün Çaylıya gedib.

C.Məmmədov Tərtər rayon yol polisi rəis müavininin oğludur.

Beynəlxalq Qırmızı Xaç Komitəsi C.Məmmədovun taleyi ilə məşğul olur.

BQXK Bakı nümayəndəliyindən bildirilib ki, qurumun təmsilçiləri C.Məmmədova baş çəkiblər.

Bundan əvvəl təşkilatın nümayəndələri ermənilər tərəfindən girov gotürülmüş Dilqəm Əsgərov və Şahbaz Quliyevə də baş çəkiblər.. —06D--