Mətbuat-Monitorinq 06.09.14

Rəsmi qəzetlər dövlət başçısı İlham Əliyevin NATO-nun Uels sammitində çıxış etməsi, görüşləri haqda xəbərləri ilk səhifədə yerləşdiriblər.

“Azadlıq” qəzeti PA-nın rəhbəri Ramiz Mehdiyevin bu günlərdə keçirdiyi toplantıda ad çəkmədən oliqarxların nəzarətində olan saytları tənqid atəşinə tutumasına cavab olaraq onların da Mehidyevə cavab hazırlaması iddiasını ilk səhifəyə çıxarıb.

“Freedom Hause” beynəlxalq hüquq müdafiəsi təşkilatının rəhbəri Devid Kramer insan haqları sahəsində Azərbaycanda “eybəcər durum” yaranması bəyanatı səsləndirib.  

Qəzet ilin sonuna kimi Nizamnamə kapitalını 50 milyon manata çatdırmayan 15 bankın bağlanacağını yazaraq, ekspertlərin bu faktı “özəl banklara inamın sarsılacağı” dəyərləndirməsini nəzərə çatdırır.

Azərbaycan broylerlərinin Rusiya bazarlarına işləyəcəyini yazan qəzet ekspertlərə isnadən ölkədə toyuq və toyuq məhsullarının bahalaşağı anonsu verir.

Qəzet Güney Azərbaycandakı mənbələrə isnadən rəsmi Tehranın türk əsilli adları “xarici ad” olması səbəbilə qeydə almadıqlarını qeyd edir.

“Ekspress” qəzeti Ermənistan dövlət başçısı Sarkisyanın psixikasının bərbad olması kimi “önəmli” mövzunu ilk plana çıxarıb.

Bakı şəhər yol polisi bu ilin 7 ayında ölkə yollarında 609 nəfərin həlak olduğunu, 1483 nəfərin isə xəsarət aldığını bildirir.

“Novoe Vremya” qəzeti Qərb siyasi dairələrinin rəsmi Bakını təniqdə məruz qoymasını əsassız sayaraq, Qərbi “birinci yerə öz maraqlarını qoymaqda” ittiham edib.

Qəzet Bakının dünyanın nüfuzlu şəhərləri reytinqinə daxil edilmədiyini nəzərə çatdırır.

“Bizim yol” qəzeti ABŞ-ın Azərbaycan və Ermənistan dövlət başçılarına xalqları sülhə hazırlamaq çağırışı etməsini önə verərək, bunu NATO-nun Uels sammitində “Qarabağ danışıqlarının təfərrüatlarının açıqlanması” adlandırır.

“Yeni Müsavat” qəzeti bu yaxınlarda Azərbaycandan keçərək Gürcüstanda ifşa edilən 3 ton maye heroin daşıyan maşını Azərbaycanda müşaiyət edən avtomobillərin kimlərə məxsus olduğunun aydınlaşması, bir neçə nəfərin həbsə alınması xəbərini ilk səhifədə yerləşdirib.

Müsavat Partiyasında gözlənilən başqan dəyişikliyi ilə bağlı iqtisadçı Qubad İbadoğlu və partiya funksioneri Arif Hacılı önəmli namizədlər kimi ortaya çıxırlar.

NATO-nun Uelsdəki toplantısında ABŞ Dövlət Katibinin təşəbbüsü ilə Azərbaycan və Ermənistan dövlət başçılarının görüşünün keçirilməsini ekspertlər Rusiyanın Qarabağ təşəbbüsünü Qərbin “öz əlinə alması” cəhdi adlandırıblar.