Ermənilər Azərbaycanın Ağkənd kəndində evləri yandırırlar

Bakı/18.12.20/Turan: Bu gün ermənilər Azərbaycan ordusunun işğaldan azad etdiyi Zəngilan rayonundan Ermənistan ərazisinə gedərkən Azərbaycanın Ağkənd kəndində evləri yandırıblar.  90-cı illərin əvvəllərində ermənilər tərəfindən işğal edilmiş bu kənddə indiyədək Ermənistandan buraya köçmüş 4 erməni ailəsi yaşayıb.

Ermənistan Müdafiə Nazirliyi bütün silahlı qruplara xəbərdarlıq edib ki, Azərbaycan bölmələri ilə qarşıdurmaya yol verməmək üçün saat 17:00-dək köhnə sovet sərhədlərinə çəkilsinlər.

Azərbaycan ordusu bu rayonda Ermənistanla sərhədə doğru irəliləyir. Ermənistanın həmsərhəd Qafan rayonunun sakinlərinin məlumatına görə, azərbaycanlılar artıq bu yerdən bir neçə kilometr məsafədədir, “Sputnik-Armeniya” bildirir.

Ermənilər əvvəllər işğal olunmuş əraziləri tərk edərkən Kəlbəcər, Laçın rayonlarında azərbaycanlıların evlərini yandırıblar.

10 noyabr tarixli üçtərəfli bəyanata əsasən Ermənistan Azərbaycanın işğal olunmuş bütün ərazilərini azad etməlidir.—0--