![Ermənistana keçən qadının şəxsiyyəti müəyyənləşdirilib](https://turan.az/resized/750/500/resize/media/2016/main/060900158544.gif)
Ermənistana keçən qadının şəxsiyyəti müəyyənləşdirilib
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının aidiyyəti beynəlxalq təşkilatlar və dövlət qurumları ilə birlikdə apardığı araşdırma nəticəsində iyunun 7-də Ermənistana keçdiyi bildirilən Azərbaycan vətəndaşının şəxsiyyəti müəyyənləşdirilib.
Komissiyanın məlumatına görə, həmin qadın Gədəbəy rayonu, Arabaçı kənd sakini Qətibə Ələkbərovadır. Araşdırma nəticəsində Ələkbərova Qətibə İbrahim qızının Qazax rayonlararası ruhi xəstəxanasında dispanser qeydiyyatında olduğu müəyyən edilib.
Hazırda Dövlət Komissiyası tərəfindən Ələkbərova Qətibə İbrahim qızının azad edilməsi istiqamətində tədbirlər görülür.
Bununla yanaşı, Ələkbərovanın hərbiçilərin nəzarət etdiyi Azərbaycan və Ermənistan sərhəddini hansı şəraitdə və necə keçməsi barədə məlumat verilmir.
İyunun 7-də Ermənistanın Armeniya Today saytı Ermənistanın Əsir və İtkin Düşmüş, Girov Götürülmüş Vətəndaşlarla İş üzrə Dövlət Komissiyasının İşçi qrupunun rəhbəri Armen Kaprielyana istinadən bildirib ki, Ermənistana keçən qadın Azərbaycanın Tovuz rayonunun, Yanıqlı kənd sakini Zöhrə Vartsar qızı Vəliyevadır.
Azərbaycan tərəfi Ermənistan tərəfinin məlumatını təsdiq etməyib və dəqiqləşdirmə aparandan sonra sərhədi keçən qadının Qətibə Ələkbərova olduğunu bildirib. Yerli sakinlər, həmin qadını Telli kimi tanıdğını bildiriblər. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz