Yerevan/16.08.13/Turan-Armİnfo: Ermənistan müdafiə nazirinin müavini David Tonoyan bildirib ki, Ermənistanda olan azərbaycanlı əsir Firuz Fərəcov öz fikrini dəyişib və vətənə qayıtmaq istəyir (bundan əvvəl o, Azərbaycana dönmnəkdən imtina etmişdi – red.). Bundan əlavə, o, Ermənistandakı beynəlxalq humanitar təşkilatların nümayəndələri ilə görüş istəyib. Bu barədə Tonoyan Qırmızı Xaç nümayəndələrinə məlumat verib.
Bununla əlaqədar Ermənistanın Müdafiə Nazirliyi neytral humanitar təşkilatların, əsasən BQXK nümayəndələrini F.Fərəcovla görüşə dəvət edib.
F.Fərəcov 2012-ci ilin iyulunda əsir düşüb. Azərbaycan tərəfinin versiyasına görə, o, təxribat qrupu tərəfindən oğurlanıb. Bir müddətdən sonra ermənilər bildiriblər ki, o, evə qayıtmaq istəmir və üçüncü ölkəyə göndəriləcəyini gözləyir
Qeyd edək ki, F.Fərəcovun fikrinin dəyişməsi erməni əsgər Akop İnciqulyanın Azərbaycana qaçmasından sonraya təsadüf edir.
Hadisə avqustun 8-də baş verib. Erməni əsgər qaçmasına səbəb kimi komandirin onu təhqir edərək döyməsini göstərib.
Bundan sonra erməni tərəfi bildirib ki, İnciqulyan azaraq Azərbaycan tərəfinə keçib, Bakı isə onun özünə böhtan atması üçün ona işgəncə verir.
Görünür, erməni tərəfi əsirlərin dəyişdirilməsin istəyir və bunu mümkün qədər tez, İnciqulyanın bildiklərinin hamısını açıb söyləmədən əvvəl etmək istəyir.-16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz