![Əvəz Zeynallı Gülər Əhmədovanın şikayəti ilə bağlı ittihamların üzərindən götürülməsini tələb edir](https://turan.az/resized/media/2012/main/101600014992-750-500-resize.webp)
Əvəz Zeynallı Gülər Əhmədovanın şikayəti ilə bağlı ittihamların üzərindən götürülməsini tələb edir
Çərşənbə axşamı Bakı Ağır Cinayətlər üzrə Məhkəmədə “Xural” qəzetinin baş redaktoru Əvəz Zeynallının işi üzrə prosesdə bir sıra şahidlər çıxış etməliydi. Lakin onlar prosesə gəlməyiblər. Əsasən ittiham tərəfinin şahidləri – keçmiş deputat Gülər Əhmədovanın oğlu Toğrul Əhmədov və Azəri-Türk Qadınlar İctimai Birliyinin rəhbəri Tənzilə Rüstəmxanlı gəlməyiblər.
Hakim bunu həmin şəxslərin hazırda xaricdə olması ilə izah edib. Digər şahid Vüqar Məmmədov isə fevralın 2-də Bakı-Dubay aviareysi ilə Bakını tərk edib və Azərbaycana qayıtmayıb.
Lakin müttəhim Ə.Zeynallı məhkəməyə etiraz edərək bildirib ki, hakim məhkəmə prosesi zamanı şahidlərin ölkədən çıxmasına qadağa qoymalı idi.
Sonra Ə.Zeynallı bildirib ki, ifadə verməkdən imtina edir, çünki nə əsas şikayətçi Gülər Əhmədova, nə onun oğlu, nə də digər şagirdlər məhkəməyə gəlmir.
Redaktor CM-in 311.3.3 (iri məbləğdə rüşvətin alınması) və 311.3.4 (hədə tətbiq etməklə rüşvət alınması) ilə ittihamların onun üzərindən götürülməsini və həbsdən azad olunmasını tələb edib.
O, bunu onunla əsaslandırıb ki, G.Əhmədova ilə Beynəlxalq Universitetin keçmiş redaktoru Elşad Abdullayevin “deputat mandatı uğrunda alver”ə dair videosu yayımlandıqdan sonra keçmiş deputat özü rüşvət faktı üzrə əsas fiqura çevrilib.
Lakin dövlət ittihamçısı Ramazan Hadıyev Ə.Zeynallının bütün vəsatətlərinin əleyhinə çıxıb.
Vəsatəti təmin etməyən hakim növbəti məhkəmə iclasını oktyabrın 18-i saat 16:00-a təyin edib. –06D—
-
- İqtisadiyyat
- 16 Oktyabr 2012 01:00
-
- Bazarların icmalı
- 16 Oktyabr 2012 08:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz