“Facebook” fəalı Əbdül Əbilov narkotik ittihamı ilə həbs edilib. Nərimanov Rayon Məhkəməsi onun barəsində 3 aylıq həbs qətimkan tədbiri seçib. Bu barədə Əbilovun ailəsi bildirib.
Ailə üzvlərinin dediyinə görə, Əbilov Facebook-da “Yaltaqlara dur deyək” səhifəsi yaradıb və o saxlanandan sonra səhifə bağlanıb.
Onu Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi saxlayıb.
Öz növbəsində, Daxili İşlər Nazirliyinin mətbuat xidmətindən “Amerikanın Səsi”nə bildiriblər ki, Əbdül Əbilovun narkotik istifadəçisi olduğunu bildirir. “Polis əməliyyat məlumatları əsasında onu saxlayıb. Hal şahidlərinin iştirakı ilə axtarış aparılıb üstündən və evindən heroin götürülüb. O, özü də narkotik istifadəçisi olduğunu etiraf edib. Vəkillə təmin edilib. Məhkəmənin qərarı ilə barəsində həbs qətimkan tədbiri seçilib”, deyə mətbuat xidmətinin əməkdaşı Orxan Mənsurzadə Turan-a bildirib.
Mətbuat xidməti Əbilovun Facebook fəalı kimi təqdim edilməsi ilə razılaşmır. “Əbdül Əbilovun Facebookla əlaqələndirilməsi, işin siyasiləşdirilməsi düzgün deyil və yolverilməzdir. Onun yaxınları ictimai diqqəti cəlb etmək, törətdiyi əməldən diqqəti yayındırmaq üçün bu cür müdafiə yolu seçib”, deyə Orxan Mənsurzadə qeyd edib. -03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz