Фаик Амирова
Bakı/06.07.17/Turan: Cümə axşamı Səbayel Rayon Məhkəməsində Aytən Əliyevanın sədrliyilə "Azadlıq" qəzetinin maliyyə direktoru Faiq Əmirovun işi üzrə proses davam edib.
Prosesdə diplomatik missiyaların nümayəndələri və jurnalistlər iştirak ediblər.
Əvvəlki prosesdə prokuror şahidlərin istintaqa verdikləri ifadələrin açıqlanması barədə vəsatət qaldırıb. Belə ki, neçənci dəfədir ki, şahidlər məhkəməyə gəlmir.
Vəkil protest verib: "Əvvəlcə biz şahidlərin dindirilməsinin əleyhinə idik, çünki bu adamların işə aidiyyatı yoxdur, ancaq məhkəmə istintaqı zamanı onların dindirilməsi göstərdi ki, onların ifadələri bizim xeyrimizədir.
Digər tərəfdən, Faiqin səhhəti onun tez-tez məhkəməyə gəlməsinə imkan vermir. Ortaq məxrəcə gəlmək lazımdır. Bizim əlavə şahidlərimiz var- Faiq Əmirovun maşınında və evində aparılan axtarış zamanı şahidlik etmiş şəxslər. Biz onların məhkəmədə dindirilməsini xahiş edəcəyik".
Vəkil Mehdiyev bildirib ki, prokurorun vəsatətinə etiraz edir. Hakim ittiham tərəfinin vəsatətini təmin etməyib.
Sonra şahid Rəna Əfəndiyeva zala dəvət edilib. O bildirib ki, F.Əmirovu tanımır: "Ötən il mən sənədlərimin itməsi barədə qəzetə elan vermişdim. Buna görə 1 və ya 2 manat ödədim, ancaq qəbz almadım".
Şahid zaldan çıxarkən F.Əmirov özünü təqdim edib: "Faiq mənəm". Bu, zalda oturanların gülüşünə səbəb olub. Başqa şahid olmayıb. Hakim prosesi iyulun 10-na təyin edib.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz