![Faiq Əmirli. Azadliq.org](https://turan.az/resized/media/2017/main/062900002719-750-500-resize.webp)
Faiq Əmirli. Azadliq.org
Faiq Əmirovun səhhətində yeni problemlər yaranıb
Bakı/29.07.17/Turan: "Azadlı" qəzetinin həbsdə olan maliyyə direktoru Faiq Əmirov pisləşməkdə davam edir, bu barədə iyunun 29-da Kürdəxanı istintaq təcridxanasında Əmirova baş çəkən həyat yoldaşı Lalə Əmirli bildirib.
Onun sözlərinə görə, Faiqin üzünün sol tərəfi tutulub, üzünün bir hissəsi əyilib, sol gözü atır.
Əmirov həkimə müraciət edib və ona deyiblər ki, problemlər əsəb zəminində yaranıb.
Daha dəqiq diaqnozu müəyyən etmək üçün nevropotoloq müayinəsi təyin edilib.
Bundan başqa, Əmirovun xroniki qastritlə bağlı qida qəbul etməkdə də problemi var. Onun pəhrizli qidaya ehtiyacı var, amma istintaq təcridxanasında bunun üçün şərait yoxdur, deyə həyat yoldaşı bildirib.
Xatırladaq ki, Əmirov 2016-cı il avqustun 20-də dini və milli ədavət salmaq ittihamı ilə saxlanılıb.
2017-ci il aprelin 17-də ona qarşı yeni vergilərdən yayınma və sui-istifadə ittihamları irəli sürülüb.
Amma ibtidai istintaqın yekunlarına görə 168.1-ci və 308-ci maddələr ləğv edilib.
Hazırda işə məhkəmədə baxılır.
Əmirov hüquq müdafiəçiləri tərəfindən siyasi məhbus kimi tanınıb. "Sərhədsiz reportyorlar" Beynəlxalq Jurnalistləri Müdafiə Təşkilatı Əmirovun həbsini pisləyib və ona qarşı "cəfəng ittihamları" ləğv etməyə çağırıb. -06D-
-
- Siyasət
- 29 İyun 2017 16:46
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz