Bakı/17.11.23/Turan: Noyabrın 17-də səhər saatlarında Azərbaycanın Yardımlı rayonunda saxlanılan fəal Cəlil Zabidov və onun qohumları axşam saatlarında sərbəst buraxılıb.
Zabidov Turan-a bildirib ki, noyabrın 17-də səhər o, oğlu, qardaşı və qardaşı oğlu ilə birgə saxlanılıb.
“Hərdən mərkəzə gedirəm, orada yol boyu maşınımdan göyərti və tərəvəz satıram. Orada başqa insanlar da ticarət edir. Bu gün səhər qardaşımla ora gedəndə bizi saxladılar. Üstəlik, azyaşlı olan oğlum və qardaşım oğlu вф saxlanılıb. Onlar bizimlə birlikdə mərkəzə dərs hazırlığına gəliblər”, - Zabidov deyib.
Onun sözlərinə görə, “formal olaraq” saxlanılmasının səbəbi “qanunsuz küçə ticarəti” ilə izah edilib.
“İnsanları nə vaxtdan xırda alverə görə saxlamağa başlayıblar? Azyaşlı uşaqların saxlanması tamamilə qanunsuzdur”, - deyə Zabidov vurğulayıb və əlavə edib ki, polsdə onun telefonu sındırılıb.
O, protokolu imzalamaqdan imtina edib və polisi tərk edərək polisin hərəkətindən şikayət etmək üçün rayon prokurorluğuna gedib.
Zabidov hesab edir ki, saxlanılmasının əsl səbəbi sosial şəbəkələrdəki fəaliyyəti olub.
O qeyd edib ki, həbs olunduğu ərəfədə Masallı rayonunda intihar edən müharibə veteranının fotosunu paylaşıb. Bundan əlavə, o, dövlətin bayraq meydanlarının tikintisinə böyük məbləğlərin xərcləməsini tənqid edən video yayıb. Videoda, bu vəsaitlərin gənclərin təhsilinə yönəldilməsinin zəruriliyi qeyd edilib.
Daxili İşlər Nazirliyinin mətbuat xidmətinin Lənkəran regional qrupundan Turan-a bildirmişdilər ki, qanunsuz küçə ticarətilə əlaqədar Zabidov qardaşı ilə birlikdə polisə dəvət edilib. İnzibati protokol tərtib edildikdən sonra onları buraxacaqlar.
* Zabidov əvvəllər də saxlanmalara, inzibati və cinayət təqiblərinə məruz qalıb. 2020-ci ildə sosial şəbəkələrdə seçki pozuntularını və saxtakarlıqları tənqid edib və 5 ay müddətinə həbs edilib.
2021-ci ildə korrupsiyaya və yerli məmurlar tərəfindən sosial ədalətsizliyə etiraz etdiyinə görə 25 sutka həbs edilib.
2023-cü ilin mayında polisə çağırılıb və orada təzyiqə məruz qalıb..—06b-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz