drunkcow.net

drunkcow.net

Xarici torpaqlarda yaşayaraq yenidən birləşməyə, bir araya gəlməyə və işləməyə can atan Azərbaycan vətəndaş cəmiyyətinin dağınıqlığına baxmayaraq, ölkədə yeni qeyri-hökumət qüvvələri meydana çıxır və hakimiyyətlərə öz səhvlərini göstərir, dövləti yaxşılaşdırmağa çalışır.

Bakılı tarixçi, yazıçı, "Bodryaşii istorii" novellasının və Qarabağ müharibəsi haqda "Umer riskovanno" povestinin (2018-ci ildə nəşr edilib) müəllifi Elmar Abbasov şəhərdə yol polisinin işində səhvlər aşkar edir və onların aradan qaldırılmasına çalışır. Üç il ərzində belə fəallıq nəticəsində paytaxtın iki yerində yol hərəkəti nişanlarını dəyişmək və quraşdırmaq, polisin qeyri-düzgün işinə dair 20 müraciəti (videoqeydlərlə birlikdə) Bakı Şəhər Yol Polisi İdarəsinə göndərmək mümkün olub. 10 müraciətə konstruktv cavab alınıb.

Elmar Abbasov öz avtomobilində videoqeydiyyatçı quraşdırıb, o, fasiləsiz olaraq yan şüşə arxasında baş verənləri qeydə alır. Evdə videyazıları kompüterin yaddaşına köçürür və nişanların yol vəziyyətinin tələblərinə uyğun olmaması ilə bağlı qeydə alınmış onadək hadisəni toplayır, məktub və qeydlərin olduğu diski adi poçt ilə (adresat haqda qəbz almaq üçün)Yol Polisi İdarəsinə göndərir. E.Abbasov Turan İnformasiya Agentliyinin suallarını cavablandırarkən deyib ki, yol polisi rəhbərliyi ilə beşillik ünsiyyətində əmin olub ki, bu quruma birbaşa müraciət diqqətdən kənarda qalır. Əgər müraciəti və ya şikayəti DİN-ə ünvanlayarsan o zaman daha tez effekti olur. E.Abbasov hadisə ilə yerindəcə tanış olmaq təklifini alır və zabitlər onunla birlikdə fəalın iradlarını öyrənməyə gedirlər. O, bizim polisə xas ikinci cəhəti aşkar edib: hadisə yerində qəza baş verməyənə qədər E.Abbasovun təklifi ciddi qəbul olunmayacaq. Fəal düzgün olmayan yol nişanı "özünü göstərənə" qədər gözləməli olacaq. Bundan sonra konkret yerdə baş vermiş yol qəzası barədə xatırlatmanın əlavə edildiyi məktub məmurları hərəkətə gətirir.

E.Abbasov "DAM (dövlət avtomobil müfəttişliyi) üzərində qələbələr"dən danışıb. Zabrat qəsəbəsində avtomobillərin vəziyyətinin yoxlanması üçün Texniki Mərkəz var. Avtomobillərini müntəzəm texniki baxışdan keçirməli olan sürücülər oranı yaxşı tanıyırlar. Əvvəllər orada avtomobil körpüsündə maşınlar işıqforun yanan yaşıl işığına aldanırdılar, bilmirdilər ki, onlara tərəf gələn avtomobillər də yaşıl işığa əsaslanırlar, ancaq bu, onlar üçün yanır. Yəni, işıqfor həm körpüdən şəhərə doğru, həm də Texniki Mərkəzdən çıxanlar üçün hərəkət etməyə icazə verirdi. E.Abbasovun şikayətindən sonra orada sağa məcburi hərəkəti göstərən nişan qoyulub, qəza vəziyyəti aradan qaldırılıb.

E.Abbasov tərəfindən yolun vəziyyətilə bağlı ilk korreksiya H.Əliyev prospektində avtomobillərin "Koroğlu" metro stansiyasına tərəf hərəkət etdiyi yerdə həyata keçiriilb. Bir il öncə orada onun təklifi ilə "Yol ver" nişanı qoyulub. Əvvəllər sürücülər hər iki istiqamətdən "soldan maneə" prinsipini əldə rəhbər tuturdular ki, bu da qəzaya səbəb olurdu. Həmin ərazidə yolun vəziyyətini öyrənən zaman polis əməkdaşları E.Abbasovun iradının doğru olduğuna əmin olublar. Belə ki, yol nişanı düzgün olmadığına görə özləri qəza vəziyyətinə düşüblər.

Bakıda yol nişanları və göstəriciləri elə qoyulub ki, E.Abbasova işləmək üçün bir il yetməz. Bakıda çox yerdə avtomobillərin park edilməsi ilə bağlı nişanlar düzgün qoyulmayıb. R.Behbudov və 28 May küçələrinin kəsişməsində "Dayanacaq qadağandır" nişanı qoyulmalıdır. E.Abbasovun kolleksiyasında yol nişanlarına dair çox uyğunsuzluq var.

Bununla yanaşı o, polislərin özlərinin irəli sürdükləri bəzi innovasiyaları təqdir edir. E.Abbasov yol hərəkəti qaydalarının pozulmasına görə inzibati məsuliyyətə cəlbetmənin bir ilədək uzadılmasını düzgün hesab edir. Öncə bu müddət üç ay idi.

E.Abbasov hesab edir ki, yollarda naşı sürücülərin qanuna tabe olan sürücülərlə savaşı gedir. O, sürücüləri yol naşılığına qarşı mübarizədə daha aktiv olmağa çağırır, dövlətə ictimai fəalların köməyini yaxşı qarşılamağa, hətta onlara "xalq polisi" rəsmi statusunu verməyə, dövlət yol polisi əməkdaşlarına yardım etmək hüququ verməyə çağırır. O, özü kimi bir neçə fəal tanıyır, onlar Bakı yollarında baş verən pozuntuların yanından laqeyd ötə bilmirlər. "Məqsədim naşı sürücülərin təkcə polislərdən yox, bizim hər birimizdən ehtiyat etməsinə nail olmaqdır", - E.Abbasov Turana-a müsahibəsində bildirib.

Rəy yaz

Cəmiyyət

Qərb Ermənistanı müharibəyə hazırlayır? – Nahid Cəfərov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti