Bakı/23.12.19/Turan: Neftçala rayonunun Xol kəndinin bələdiyyə şurasına seçkilərdə seçicilər səsvermədə fəal şəkildə iştirak edirlər. Bu barədə bu dairədən namizədliyini irəli sürmüş fəal Vəfa Nağı bildirib.
Onun sözlərinə görə, saat 13:00-a olan məlumata görə səsvermədə 1446 seçicidən 329-u iştirak edib. O, bəzi pozuntular olduğunu qeyd edib. Belə ki, seçkilər başlayana qədər müşahidəçilər səsvermədən əvvəlki prosedurları qeydə almaq üçün məntəqələrə buraxılmayıb.
Nağının və müşahidəçilərin israrlı tələblərindən sonra onlar məntəqəyə buraxılıb.
Müşahidəçilərdən birini üç dəfə polisin yardımı ilə məntəqədən uzaqlaşdırmağa çalışıblar. Digər müşahidəçilərin birgə səyləri ilə bu əməllər aktlaşdırılıb.
Məntəqədə müşahidəçilərin bülletenlərin verilməsi və səsvermə prosesini yaxından müşahidə etməsinə mane olan çox sayda naməlum şəxs var.
Məntəqə komissiyasının sədri bələdiyyə sədrinin qohumudur və o, komissiya üzvü olmayan şəxslərə göstərişlər verir.
İnsanların qrup şəklində məntəqəyə gətirilməsi halları da qeydə alınıb. -06D-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz