Максим Стулов / Ведомости
Azərbaycan Su-57 qırıcılarını almaq istəyir
Москва/24.12.19/Turan: Moskvanın “Vedomosti” qəzeti Rusiyanın müdafiə sənayesi müəssisələrinin iki top- menecerinə istinadən bildirib ki, Azərbaycan Rusiyanın beşinci nəsil Su-57 qırıcı təyyarələri ilə maraqlanıb.
Prezident Administrasiyasına yaxın mənbə təsdiqləyib ki, Rusiya və Azərbaycan prezidentlərinin oktyabrın 3-də Soçidə keçirdiyi görüşdə bu məsələ ilə bağlı yüksək siyasi səviyyədə danışıqlara razılıq verilib.
Son 10 ildə Azərbaycan təxminən $5 mlrd. dollara yaxın Rusiya silahları alıb. Bundan təxminən $3 mlrd. dollarlıq məhsul əldə edilib. Beləliklə, iki divizion S-300PMU-2 zenit-raket sistemi, 100 T-90S tankı və 118 ədəd BMP-3 piyada maşını, 18 “Mcta-C” özüyeriyən artilleriya qurğuları, 18 ədəd “Smerç” reaktiv yaylım atəşi sistemi və digər hərbi texnikanın alınması üçün müqavilələr imzalanıb.
Aviasiya üzrə tədarük yalnız Mi-17 və Mi-35 helikopterləri ilə məhdudlaşıb, baxmayaraq ki, Azərbaycan HHQ-nin də hərbi aviasiya parkının da yenilənməsi lazımdır (bunun əsasını 2000-ci illərin ortalarında Ukraynadan alınmış sovet MiG-29 qırıcılarını təşkil edir). Azərbaycan uzun müddətdir ki, Çin-Pakistan istehsalı olan JF-17 qırıcısına (Rusiyanın köməyi ilə hazırlanıb) maraq göstərir və Pakistandan MFI-395 Super Mushshak yüngül təlim-məşq təyyarəsi alıb.
Azərbaycanın Su-57-yə marağı Ermənistan dörd Su-30CM qırıcısını aldıqdan sonra ortaya çıxıb.
Hərbi ekspertlərin fikrincə, danışıqlar uzun sürə bilər. İstənilən halda, Azərbaycan bu tip təyyarələr 8-12 ədəd əldə edə bilər.
Potensial alış bir tərəfdən, göstəriş xarakteri daşıyır: çünki Ermənistan yaxın vaxtlarda Su-30CM qırıcılarını alacaq və Azərbaycan daha da inkişaf etmiş bir təyyarə almaq istəyir. Digər tərəfdən, Azərbaycan HHQ-nin kütləvi şəkildə yenilənməyə ehtiyacı var. Buna görə də Su-57-dən əlavə, Bakı Su-57-dən daha ucuz olan Çin-Pakistan qırıcılarını ala bilər.-02D-
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz