Dekabrın 8-də Bakının mərkəzində Fəvvarələr Meydanında yüzə yaxın gənc yanacağın qiymətinin artırılmasına etiraz olaraq aksiya keçirib.
Aksiya Azərbaycan Avropa Hərəkatının (AAH) lideri Ramin Hacılı tərəfindən saat 16:00-a təyin edilib. Lakin səhər tezdən Fəvvarələr Meydanı polisin və mülki geyimli şəxslərin nəzarətinə götürülüb.
Gənclər “Makdonalds” kafesinin qarşısında toplaşaraq əllərində ağ vərəqələr tutublar. Polis əməkdaşları və mülki geyimli şəxslər kağızları alaraq cırmağa başlayıblar. Toplaşanlardan dağılışmaq tələb olunub.
Gənclər etiraz etməyə başlayıb. Nəticədə AAH-in mətbuat xidmətinin rəhbəri Pərviz Əzimov saxlanılıb. Aksiya iştirakçıları digər bir fəalı mülki geyimli şəxslərin əlindən alıblar.
Polislə qarşıdurmaya yol verməmək üçün R.Hacılı aksiya iştirakçılarını dağılışmağa çağırıb. O, polisin hərəkətlərini pisləyib.
“Təəssüf ki, hökumət nəinki vətəndaşların sosial-iqtisadi maraqlarına məhəl qoymur, həm də siyasi azadlıqlara hörmət etmir. Polis və mülki geyimli şəxslər hətta meydanda gəzişməyə belə imkan vermədi. Bu, qanuna məhəl qoymamaqdır”, - R.Hacılı Turan-ın müxbirinə bildirib.—06C--
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz