![Eldar Namazov və David Şahnazaryanın ATƏT-in Minsk Qrupunun həmsədrləri ilə görüşü](https://turan.az/resized/media/2013/main/120800060747-750-500-resize.webp)
Eldar Namazov və David Şahnazaryanın ATƏT-in Minsk Qrupunun həmsədrləri ilə görüşü
Bu günlərdə Kiyevdə Azərbaycan və Ermənistan xarici işlər nazirləri Elmar Məmmədyarov və Edvard Nalbandyanın ATƏT-in Minsk Qrupu həmsədrləri ilə görüşündən sonra başqa görüş də keçirilib.
Azərbaycan KİV-nin məlumatına görə, rəsmi görüşdən sonra dekabrın 5-də ATƏT-in Minsk Qrupunun iki həmsədri – amerikalı vasitəçi Ceyms Uorlik və fransalı həmsədr Jak Forun, həmçinin ATƏT-in hazırkı sədri Anjey Kaspşikin təşəbbüsü ilə Müstəqil Vətəndaş Minsk Prosesinin nümayəndələri, müxalifətçi siyasi xadimlər – 1992-95-cı illərdə Ermənistan prezidentinin xüsusi tapşırıqlar üzrə səfiri David Şahnazaryanla Azərbaycanın keçmiş prezidenti Heydər Əliyevin müşaviri Eldar Namazov arasında görüş olub.
Aravot.am David Şahnazaryanla maraqlanıb: Kiyev görüşündə məqsəd nə idi və ATƏT_in Minsk Qrupu həmsədrlərinin Müstəqil Vətəndaş Minsk Prosesindən nə kimi gözləntiləri var?
Şahnazaryan bildirib ki, əvvəla həmsədrlər onunla və E.Namazov ilə Müstəqil Vətəndaş Minsk Prosesinin nümayəndələri qismində görüşüblər.
Kiyev görüşü zamanı onlar həmsədrlərə qurumun qarşıdakı planlarını, həmçinin öz baxışlarını təqdim ediblər ki, bu da regiondakı mövcud yeni reallıqlar şəraitində ATƏT-in Minsk Qrupunun danışıqlar prosesinə fəallıq və müəyyən effektivlik verə bilər.
“Əsasən bildirilib ki, ATƏT-in Minsk Qrupu çərçivəsində danışıqlar prosesi qapalıdır və bu cəmiyyətlər üçün açıq, şəffaf olmalıdır, çünki biz əminik ki, iki ölkə prezidenti və xarici işlər nazirləri bir qayda olaraq, danışıqlar masası arxasında müzakirə olunanları cəmiyyətə təqdim etmir”, - Şahnazaryan qeyd edib.
Rusiyalı həmsədr İqor Popovun görüşdə iştirak etməməsinin səbəbləri ilə bağlı sualın cavaba Şahnazaryan diplomatik şəkildə cavab verib ki, görüşün təşəbbüsçüsü o yox, Eldar Namazov olub.
Turan agentliyinin xahişi ilə ATƏT-in Minsk Qrupunun həmsədrləri ilə görüşün yekunlarını şərh edən E.Mamazov deyib: “Çox tez-tez eşidirik ki, Azərbaycan və Ermənistan rəhbərləri kompromislərə və münaqişənin nizamlanmasına dair sazişlərə hazırdır, lakin cəmiyyət buna hazır deyil. Bunu müzakirə etmək üçün dinc nizamlanma məsələsini ictimai müzakirəyə çıxarmağa imkan yaradılmalıdır, danışıqlar prosesi daha şəffaf olmalıdır. Qapalı dairə alınır: cəmiyyətin razılığı olmadan dinc nizamlanma mümkün deyil, lakin hər iki ölkənin cəmiyyəti təcrid olunub və münaqişənin mümkün nizamlanma modelinin müzakirəsindən kənarlaşdırılıb. Müstəqil Vətəndaş Minsk Prosesi fikrimcə, maraqlı ideyadır, bu boşluğu doldurmağa qadirdir, xüsusilə nəzərə alsaq ki, bura danışıqların aparılması üzrə təcrübəsi olan, bu çətin prosesdə bütün “sualtı daşları” bilər şəxslər cəlb olunacaq. --0--
-
- Foto sessiyalar
- 8 Dekabr 2013 17:43
-
- Cəmiyyət
- 8 Dekabr 2013 17:53
Siyasət
-
Azərbaycanda “Şəhid adının əbədiləşdirilməsi və şəhid ailələrinə edilən güzəştlər haqqında” qanuna hərbi qulluqçulara və müharibə əlillərinə dəstəyin artırılmasına yönəlmiş düzəlişlər qəbul edilib.
-
İyulun 17-də Bakı İnzibati Məhkəməsi hakim Orxan Həsənovun sədrliyi ilə İranda həbsdən qaçıb ağ bayraq qaldıran və 2023-cü il oktyabrın 12-də Azərbaycan Respublikasının dövlət sərhədini keçərək təslim olan İran vətəndaşı, azərbaycanlı siyasi fəal Puya Purhemmətinin Azərbaycan Dövlət Miqrasiya Xidmətinin siyasi sığınacaqla bağlı müraciətindən imtina etməsindən verdiyi şikayəti təmin etməyib.
-
Bu gün Bakıda Qvadelupa Qurtuluş Xalq Birliyi və Bakı Təşəbbüs Qrupu tərəfindən dəstəklənən ilk Fransa Müstəmləkəçiliyinə dair Konqres öz işinə başlayıb. İki günlük tədbirdə Korsika, Melaneziya, Polineziya, Karib hövzəsi ölkələri və Antil adalarından 15-dən çox siyasi partiya və müstəqillik hərəkatının liderləri iştirak edir. Hollandiyanın Bonayre və Sen-Marten müstəmləkələrindən nümayəndələr tədbirdə fəxri qonaq kimi iştirak edirlər.
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 11:00
- 275
Rəy yaz