Mətbuat-Monitorinq 08-09.12.13

Rəsmi qəzetlər ölkənin iqtisadi həyatı ilə bağlı yazlara geniş yer verərək prosesləri iqtidar bucağından “təhlil”  edirlər.  

“Azadlıq” qəzeti səhiyyə naziri Oqtay Şirəliyevin vəzifəsindən xaric olunması haqda iqtidar daxilnidə müzakirələrin getməsi haqda iddiaları ilk səhifəyə çıxarıb.

Qəzet ölkədə benzinin bahalaşmasına etiraz olaraq gənclərin keçirmək istədiyi “ağ kağız” aksiyasını belə polisin dağıtdığını bildirir. 

AXCP sədri Əli Kərimli müxalifət qüvvələrinin birliyi olan Milli Şuranın dağıdılmasıl cəhdlərini “əldə olan uğurların dağıdılması cəhdləri” adlandırır. 

“Azad Avropa” radiosu keçmiş deputat Gülər Əhmədovanın “mandat alveri” məhkəməsi fonunda bu işdə adları keçən Elşad Abdullayev və PA-nın rəhbəri Ramiz Mehdiyevin dindirilməməsi haqda danışıb.   

“Zerkalo” qəzetinin redaktoru Elçin Şıxlı Mətbuat Şurası və KİV-lərə Dəstək Fondunu “əcaib formaya” düşməkdə ittiham edərək, “kaş yaranmayaydılar” qənaətini ifadə edib. 

Parlamentin qrantla bağlı qanunu yenidən nəzərdən keçirməsinə ölkə ekspertləri “xaricdən qrant alınmasını çətinləşdirirlər” şərhini veriblər.

“Yeni Müsavat” “Xəzərdənizgəmiçilik” idarəsinin keçmiş rəisi Aydın Bəşirova məxsus olduğunu iddia etdiyi 120 miylon dollar dəyəri olan gəmilərin siyahısını dərc edib. 

Qəzet benzinin bahalaşmasına etiraz olaraq gənclərin keçirdiyi aksiyanı polisin  dağıtdığını, amma saxlananların olmadığını yazır. 

Qəzet yazır ki, “Nehrəmli İbrahim” kimi tanınan iş adamı İbrahim İbrahimov  şirkətindən 135 min manatı oğurlayanların kimliyi bəlli olsa da polisin onları həbsə almamasından şikayət edir. 

Vergi əməkdaşları ölkə sahibkarlarından aylıq haqları 10-30 min manat arasında, qanuni ödənişləri 15-20% artırmağı tələb edərək əks halda “külli miqdarda vergidən yayınma”ya görə məhkəmə ilə hədələyirlər.