Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Bakı meriyasına “Təz Pir məscidi”nin yerləşdiyi küçənin adını dəyişdirilməsi ilə bağlı müraciət edib.
Müraciətdə “Təzə Pir məscidi”nin ərazisinin dini kompleks olması qeyd edilir. Dindarların, şəhər sakinləri və ölkəyə gələn qonaqların bu kompleksə ziyarətə gəldikləri xatırladılır. Kompleksin əsas qapısının hazırda Mustafa Sübhi adını daşıyan küçəyə açıldığı vurğulanır. M.Sübhinin bir müddət Rusiyada fəaliyyət göstərən ateist və peşəkar-inqilabçı olduğu bildirilir. Bu şəxsin adına nə vətəni
Türkiyədə, nə də fəaliyyət göstərdiyi Rusiyada küçə, yaxud da hansısa müəssisənin olmadığı yada salınır.
Daha sonra sənəddə “Təzə Pir məscidi”nin yerləşdiyi küçənin Nabat xanım Aşurbəyova adlandırılması təklifi verilir. Bu addım savab əməl olmaqla yanaşı, həm də dövlətin Azərbaycan qadını və möminlərə ehtiramının nümunəsi olacağı kimi dəyərləndirilir.
Mustafa Sübhi XX əsrin 20-ci illərində Türkiyə Kommunist Partiyasının rəhbəri olub. Bolşevik Rusiyası bu şəxsin əli ilə Türkiyədə sovet rejimi qurmağa hazırlayırdı. M.Sübhi 1921-ci ildə Trabzonda bir neçə kommunist yoldaşı ilə qətl edılərək cəsədləri dənizə atılıb. “Sovet Bakısı”nda onun adına küçə verilib.
Bakının məşhur milyonçu Aşurbəyovlar nəslindən olan N.Aşurbəyova isə “Təzə Pir məscidi”ni öz puluna tikdirən xanımdır. Onun qəbri məscidin əsas giriş qapısının sağında yerləşir. -05D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz