İcbari Sığorta Bürosu üzvlərinə 3 mln manat məbləğində tələb qoyulub

Bu ilin yanvar-noyabr aylarıı ərzində İcbari Sığorta Bürosu üzvü olan şirkətlər avtonəqliyyat vasitəsi sahiblərinin mülki məsuliyyətinin icbari sığortası üzrə  16,655 sığorta tələbə görə 22,9 milyon  manat məbləğində  sığorta ödənişi həyata keçirib. Büronun iştirakçıları olan sığorta şirkətləri noyabrda 2,353 sığorta tələbi üzrə 3,129,573 manat məbləğində  sığorta ödənişi həyata keçirib. 

Avtomobilə dəyən zərərə görə 2206 iddia üzrə 2 mln 902 min 735 manat, əmlaka dəyən zərərə görə 80 tələb üzrə 96 min 888 manat, sağlamlığa dəyən zərərə görə 54 tələb üzrə 64 min 950 manat, şəxsin ölümü üzrə 65 min manat sığorta ödənişi istənilib. Avtomobilə dəyən ziyan üzrə orta ödəniş həcmi noyabrda 1 353 manat olub. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. 

İcbari Sığorta Bürosu “İcbari sığorta növləri haqqında» qanun çərçivəsində yaradılıb. AVSMMİS-lə bağlı qanunda bir qəza üzrə sağlamlığa dəyən ziyan və ölümə görə maksimal ödənişin orta Avropa göstəricisi 50 min manatdır (4 sərnişin və 1 sürücü), bir fiziki şəxsin ziyanı 5 min manat, avtomobilə görə 5 min manat ödənilir. 

Qanuna görə, AVSMMİS üzrə ödənişdən imtina etmək olmaz. Hətta sərxoş, hadisə yerindən qaçan və qəsdən qəza törədən  sürücünün hərəkəti nəticəsində ziyan çəkən piyada və ya sərnişin, sürücülük vəsiqəsi olmayan (əgər avtomobilin sahibidirsə) sürücülər kompensasiya ala bilər. 

Bu qanun demokratikdir. Avtoinspeksiyadan arayış tələb edilmir. Əgər qəzanın hər iki iştirakçısı məsuliyyət məsələsində razılığa gələrsə, sığorta şirkəti “avroprotokol” yazır. Hər iki sürücü maneəsiz ödəniş alır. 

Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. --17D—