Nazirlər Kabinetinin 25 fevral 2016-cı il tarixli 86 saylı "Suraxanı, Nəsimi, Xətai, Nərimanov, Nizami, Yasamal, Səbail, Xəzər rayonlarının və Pirallahı rayonunun sosial-iqtisadi inkişafının sürətləndirilməsi məqsədilə əlavə tədbirlər haqqında qərarının həyata keçirilməyə başlaması ilə bakılıların yeni yaranan fəlakəti Turan İA-da iki dəfə işıqlandırılıb. Plan bakılıların mənzil şəraitini yaxşılaşdırmaq üçün istismar resursu tükənmiş köhnə yaşayış binalarının yeniləri ilə əvəz olunmasını nəzərdə tutur. Hökumət inşaatçılardan sakinlərlə hər iki tərəf üçün sərfəli olan müqavilələr bağlamağı tələb edir, amma paytaxtın bəzi rayonlarında rayon icra hakimiyyəti tərəfindən dəstəklənən inşaat şirkətləri nəinki mənzil sahibləri ilə razılıq əldə etmir, hətta evləri içində yaşayan insanlarla birlikdə sökür.
http://www.contact.az/ext/news/2018/1/free/Social/ru/68539.htm
http://www.contact.az/ext/news/2018/1/free/Social/ru/68025.htm
Narazı sakinlər bütün mümkün instansiyalara və mütləq Azərbaycan prezidentinə və birinci vitse-prezidentə şikayətlər yazırlar.
Ötən həftə Bakının Nəsimi rayonunda X.Ələsgərov və S.Rüstəmov küçələrinin, Q.Quliyev və X.Şuşinski küçələrinin kəsişməsində yerləşən məhəllənin sakinləri Fövqəladə Hallar Nazirliyindən əsli Grand Plaza MMC tikinti şirkətinə göndərilən məktubun surətini alıblar.
FHN nəzdində tikintidə təhlükəsizliyə nəzarət üzrə dövlət agentliyinin rəis müavini Təyyar Hüseynli şirkətə yaşayış binasını qəza vəziyyətinə saldığını, təhlükəsizlik qaydalarına riayət etmədiyini və ətraf mühiti inşaat tullantıları ilə çirkləndirdiyini bildirir.
Dövlət Agentliyi qeyd edir ki, Nəsimi Rayon İcra Hakimiyyətinin tələblərinə əməl olunmadığı, vətəndaşlar əvvəlcədən köçürülmədən söküntü aparıldığı aşkar edilib. Agentlik şirkətdən yaxın gələcəkdə yol verilmiş nöqsanları aradan qaldırmağı, vətəndaşların və binaların təhlükəsizliyini təmin etməyi, habelə yerli hakimiyyətlə müqavilənin, şəhərsalma məcəlləsinin və tikinti haqqında normativ aktların bütün müddəalarını yerinə yetirməyi tələb edir. Əks halda obyektdə dağıtma işləri dayandırılacaq və qanunvericiliyə uyğun olaraq başqa tədbirlər görüləcək, deyə FHN şöbəsinin məktubunda bildirilir.
Vətəndaşlar üçün məktubda mühüm məqam köhnə evdən başqa yaşayış yerlərinə köçürülməsi zamanı vətəndaşların hüquqlarının pozulmasının qeyd edilməsidir. Vətəndaşlar ölkə prezidenti İlham Əliyevə açıq məktubda "Azərbaycan Konstitusiyasının 57-ci və 26, 29, 31 və 43-cü maddələrinə əsasən özbaşına inşaatçıların həyata keçirdiyi psixoloji təzyiqdən xilas etməyi" xahiş edərkən məhz bu barədə yazmışdılar.
Xatırladaq ki, 2017-ci il noyabrın ortalarında bu məhəllədə 104 ailə Nəsimi Rayon İcra Hakimiyyətindən Grand Plaza şirkəti ilə mənzillərinin sökülməsi haqqında sənəd imzalamaq təklifi yer alan məktub alıblar. Tikinti şirkətinin nümayəndələri 2-4 mərtəbəli binaların yerləşdiyi bu ərazidə çoxmərtəbəli bina tikməyi, mənzil sahiblərinin bu binada əvvəlkindən 20% çox ölçüsü olan yeni mənzil alacaqlarını vəd ediblər. İnşaatın həyata keçirildiyi müddət ərzində isə sakinlər mənzil kirayəsi üçün kompensasiya alacaqlar. Cəmi iki ailə razılaşıb, qalanları şifahi vədlərə inanmayıblar və vədlərin sənədlə təsdiq edilməsini tələb ediblər. Bundan başqa, inşaat ərzində mənzil icarəsi üçün verilən ödəniş də vətəndaşlara az gəlib.
İnşaat şirkətinin nümayəndələri Səməd Vurğun küçəsində əvvəlki 7 Points tikinti layihəsini nümunə göstəriblər, amma sakinlər öyrəniblər ki, S.Vurğunda yerləşən bina sakinlərinin şikayəti ilə bağlı iqtisad məhkəməsi vətəndaşların tərəfini tutub və mövcud binanın sökülməsini qadağan edib. İnşaatçılar S.Vurğun küçəsində yaşayış binasına ziyan vurublar, məhkəmənin qərarından sonra isə ərazini tərk ediblər. Sakinlərin bu barədə məlumatı olduğunu anlayan firma nümayəndələri artıq vətəndaşların yanına gəlmir, danışıqlara rieltorları göndərirdilər. Bununla belə, iki günlük uğursuz cəhddən sonra yanvarın 5-də tikinti hasarı çəkilməyə başlayıb.
Sakinlər hökumətə, Milli Məclisə, Prokurorluğa şikayətlər göndəriblər və rəsmi cavabları gözləyirlər. S.Cəfərovun sözlərinə görə, vətəndaşlar iqtisad məhkəməsinə şikayət vermək niyyətindədirlər, vəkil tutublar. Tikinti işlərinə son qoyulmasını tələb edəcəklər. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz