Фикрет Гусейнли
Bakı/06.03.18/Turan: Dünən axşam özlərini Ukraynanın polis əməkdaşları kimi təqdim edən mülki geyimli şəxslər azərbaycanlı jurnalist Fikrət Hüseynlini Kiyevdə kirayə qaldığı mənzildə saxlamağa çalışıblar.
Amma o, pəncərədən tullanaraq qaçıb gizlənməyə müvəffəq olub. Bu zaman jurnalist əlini yaralayıb.
Hazırda o, nisbətən təhlükəsiz yerdədir. Amma onu hər yerdə axtarırlar. Bu barədə Turan-a diaspordakı mənbə bildirib. O hesab edir ki, Hüseynlini saxlamaq və Azərbaycana ekstradisiya etmək istəyirdilər. Mülki geyimlilər arasında Azərbaycan dilində danışanlar da var idi.
Hadisə barədə Niderland səfirliyinə məlumat verilib.
Hüseynli müxalif "Azadlıq" qəzetinin əməkdaşıdır və bir neçə il əvvəl Niderlanddan siyasi sığınacaq və vətəndaşlıq alıb.
Hüseynli 14 oktyabr 2017-ci il tarixində Kiyevdən Düsseldorfa gedərkən Azərbaycanın İnterpol xətti ilə verdiyi sorğu əsasında saxlanılıb. Azərbaycanda onu fırıldaqçılıqda və sərhədi qanunsuz keçməkdə ittiham edirlər.
18 oktyabr 2017-ci il tarixində Ukraynanın Borispol şəhər məhkəməsi onu Azərbaycana ekstradisiyası məsələsinə baxılması üçün 18 gün müddətinə həbs edib.
Oktyabrın 27-də Kiyevin Lukyanovski məhkəməsi Hüseynlini Ukrayna Ali Radasının deputatı Mikola Knyajitski və ictimai xadim Boris Zaxarovun xahişi ilə zaminə buraxılıb. Eyni zamanda, məhkəmə dövlət ittihamçısının Hüseynlinin Azərbaycana ekstradisiyası haqqında vəsatətini təmin etməyib.
Kiyev prokurorluğu Hüseynlinin azad edilməsindən apellyasiya etirazı verərək, onun həbsini tələb edib.
Etirazla bağlı məhkəmə təhqiqatı yanvarın 17-də başlayıb, amma 4 dəfə təxirə salınıb.
Nəhayət, fevralın 13-də məhkəmə ekstradisiyadan imtina edib. -03B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz