Ирина Берчиян
Bakı/06.03.18/Turan: Ötən bazar Rusiya vətəndaşı, Stavropol sakini İrina Yakovlevna Berçiyan 30 il sonra Bakıya gəlib. Onun səfəri müraciətinə baxan "Ermənistan və Azərbaycan arasında Sülh Platforması" ictimai təşkilatı tərəfindən təşkil olunmuşdu.
"Rusiyada yaşayan ermənilər, elə bütün keçmiş Azərbaycan sakinləri doğma havanı udmaq, evlərini yenidən görmək, doğmalarının qəbirlərini ziyarət etmək üçün heç olmasa bir neçə günlük Vətənə qayıtmaq istəyirlər. Ən yaxşı illərimi keçirdiyim Bakıma yenidən gəlməyi çox istəyirdim.
Mən 1 nömrəli məktəbdə oxumuşam, burada çox sayda dostlarım qalıb. Özümə gələ bilmirəm, dünyanın ən yaxşı şəhərinə ilk addımımı atdığım andan çox sevincliyəm", deyə Berçiyan Turan-ın müxbirinə bildirib.
İrina Yakovlevna və valideynləri Bakıdan 1989-cu ildə gediblər. Əvvəlcə Rusiyaya köçüblər, daha sonra "tarixi vətənə" - Ermənistana yerləşməyə qərar veriblər. Amma üç ilə yaxın orada yaşadıqdan sonra həmişəlik Stavropola köçüblər.
"Ailəmizdə rus dilində danışırdılar. Mən erməni dilini kifayət qədər bilmirdim, indi də bilmirəm, dili bilmədən isə Ermənistanda karyera qurmaq mümkün deyil. Buna görə Rusiyaya köçmək qərarı verildi", deyə Berçiyan bildirib.
Bakıda olduğu bir həftə ərzində o, qəbirstanlığı ziyarət etmək və doğmalarını və tanışlarını Bakıdakı kilsənin sökülmədiyinə inandırmaq üçün erməni kilsəsinin şəklini çəkmək niyyətindədir.
Berçiyan qeyd etdi ki, bu arada, mətbuatın azərbaycanlıları və onların ermənilərə münasibətini əks etdirməsi ilə həqiqət arasında böyük fərq var. Bakıda olduğu müddətdə o, nəinki düşməncəsinə münasibətlə qarşılaşmayıb, hətta təyyarədəki yol yoldaşı - cənub bölgəsindən olan azərbaycanlı təyyarə endikdən sonra qonağı qarşılayacaq şəxsləri görənə qədər onu müşaiyət edib.
"Ermənistan və Azərbaycan arasında Sülh Platformasına əslən erməni olan keçmiş Azərbaycan sakinləri tərəfindən çox sayda şikayət daxil olur. İmkan daxilində onların istəklərini həyata keçirməyə çalışırıq", deyə təşkilatın koordinatoru Dilarə Əfəndiyeva Turan-a bildirib. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz