Hüquq müdafiəçiləri Narkoloji Mərkəzdə baş vermiş yanğının səbəblərinin şəffaf araşdırılmasını tələb edirlər

Bakı/06.03.18/Turan: Siyasi Məhbusların Monitorinq Mərkəzi ictimai təşkilatı Respublika Narkoloji Mərkəzində baş vermiş yanğının səbəblərinin araşdırılması üzrə komissiyaya media və vətəndaş cəmiyyəti nümayəndələrinin, müstəqi vəkillərin daxil edilməsini təklif edib.

Bəyanatda xatırladılır ki, Azərbaycan prezidentinin 6 oktyabr 2016-cı il tarixli fərmanı ilə alkoqolizm və ya narkomaniyadan müalicə məcburi xarakterlidir. Ancaq ümümdünya səhiyyə sistemində belə praktika yoxdur. Nəzərə alsaq ki, alkoqolizm və narkomaniyadan əziyyət çəkənlərə beynəlxalq praktikada xəstə statusu verilib, "məcburi müalicə" olunanları yataqa bağlamaq qanunsuz əməldir və insan ləyaqətinin alçaldılmasıdır, Avropa İnsan Hüquqları Konvensiyasını (işgəncələrə qadağa) pozur.

* Siyasi Məhbusların Monitorinq Mərkəzi 2014-cü ilin oktybrında bir qrup keçmiş vicdan məhbusu tərəfindən yaradılıb. Rəhbəri Elşən Həsənovdur.-06D-