Bakı/06.03.18/Turan: Müsavat Partiyasının mətbuat xidmətinin rəhbəri və Bastainfo.com saytının redaktoru Mustafa Hacıbəyli bu gün müxalifətin martın 10-na təyin etdiyi "Ümumxalq mitinqi" ilə əlaqədar polisə çağırılıb. Ondan saat 14.00-da polisdə olmaq tələb olunub.
O, telefonda şöbəyə gələcəyini desə də, bir müddət sonra polis əməkdaşları özləri onu aparmağa gəliblər.
Binəqədi rayon polis idarəsinin 5-ci polis bölməsində rəis müavini Hacıbəylinin müxalifətin mitinqində iştiraka çağırışları ilə bağlı iradlarını bildirib.
Daha sonra onu gah "oğurluğa", gah "kriminal avtoritetlərə pul göndərməyə", gah şöbədə "xuliqanlığa" görə cinayət məsuliyyətinə cəlb etməklə hədələyiblər.
Amma son nəticədə ona "hələlik azadsan" deyib, sərbəst buraxıblar.
Müsavat Partiyasının İcra Aparatının rəhbəri Gülağa Aslanlı bildirib ki, martın 6-da partiyanın bir sıra təşkilatlarının rəhbərləri də polisə çağırılıb.
Onun sözlərinə görə, şəhər administrasiyası hələlik təşkilatçıların mitin keçirilməsi ilə bağlı sorğusuna cavab verməyib.
"Talana yox, monarxiyaya son" şüarı ilə keçiriləcək aksiyanın təşkilatçısı Demokratik Qüvvələrin Milli Şurası, Xalq Cəbhəsi və Müsavat partiyalarıdır. -06D-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Rəy yaz