1 saylı Bakı İnzibati-İqtisad Məhkəməsi “Kür” Vətəndaş Cəmiyyəti Qərargahının Fövqəladə Hallar Nazirliyindən şikayəti üzrə məhkəmə prosesini təxirə salıb. Bu haqda Turan-a qərargahın koordinatoru Oqtay Gülalıyev bildirib.
Məhkəmədən O.Gülalıyevə bildirilib ki, nazirliyin nümayəndəsi məhkəməyə gələ bilmədiyi üçün proses təxirə salınıb. Koordinator nazirliyin bu addımını dövlət büdcəsindən onlara etibar edilən 1,1 milyard manatın xərclənməsi ilə bağlı cəmiyyətə hesabat verməkdən, bu hadqa informasiya sorğularını cavablandırmaqdan yayınmaq kimi dəyərləndirib.
Növbəti məhkəmə prosesinin vaxtı prezident seçkilərindən sonra məlum olacaq.
“Kür” Vətəndaş Cəmiyyəti Qərargahı bu ilin aprelində nazirliyə sorğu ilə müraciət edib. Sorğuda son üç ildə Kür daşqınları və Qax-Zaqatalada zəlzələyə görə büdcədən ayrılan 1,1 milyard vəsaitin necə xərclənməsi yönündə suallar ünvanlanıb. Nazirlik sorğudakı suallara cavab verməkdən imtina edib. Qərargah məhkəməyə müraciət edərək sorğuda göstərilən suallara ətraflı cavab verilməsi vəzifəsinin nazirliyin üzərinə qoyulması barədə iddia qaldırıb.-05D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz