Xəzər İnşaat sərgisində 450-dən çox şirkət iştirak edəcək

Oktyabrın 23-dən 26-dək “Xəzər İnşaat Həftəsi” çərçivəsində üç böyük sərgi - “BakuBuild”, “Aqua-Therm Baku” və “CIPS Caspian” keçiriləcək. Onlar yeni tendensiyaları təqdim edəcək. “Xəzər İnşaat Həftəsi” dünyanın 29 ölkəsindən 450-dən artıq şirkəti bir ekspozisiya çərçivəsində birləşdirəcək.

19-cu Azərbaycan Beynəlxalq “İnşaat” sərgisi müasir və qabaqcıl inşaat texnologiyalarını, geniş çeşiddə tikinti materiallarını təqdim edəcək. Bu il sərgidə Almaniya, Yunanıstan, İtaliya, İran, Portuqaliya, Finlandiyanın milli qrupları iştirak edəcək. BƏƏ milli qrupu bu il debüt edir. Yerli iştirakçılar meydançanın 38%-i tutacaq. 

Elə həmin tarixlərdə5-ci Yubiley Beynəlxalq “İstilik, havalandırma və kondisiyalaşdırma sistemləri, Su təchizatı, Sanitariya, Ətraf mühitin mühafizəsi texnologiyaları, Üzgüçülük hovuzu və Bərpa olunan enerji” sərgisi keçiriləcək. Aqua-Therm Baku Azərbaycan, İran, İspaniya, İtaliya, Rusiya, Türkiyə, Fransa və digər ölkələrdən 70-dən çox şirkəti bir araya gətirəcək. 

“CIPS Caspian 2013” 6-cı Xəzər Beynəlxaq “Mühafizə, Təhlükəsizlik və Xilasetmə vasitələri” sərgisi də eyni tarixdə keçiriləcək. Sərginin iştirakçıları arasında təhlükəsizlik sistemləri, siqnalizasiya, CCTV, girişə nəzarət vasitələri, yanğın təhlükəsizliyi sistemləri və yanğından mühafizə siqnalizasiyası kimi məhsulların istehsalçıları var. 

BakuBuild-in təşkilatçıları Britaniyanın ITE Group PLC şirkəti və onun tərəfdaşı Iteca Caspian LLC-dir . 08D