![RATİ: Avropa Şurasında sədrlik ərəfəsində Azərbaycan hakimiyyəti insan hüquqlarını kobud şəkildə pozur](https://turan.az/resized/media/2013/main/100100051741-750-500-resize.webp)
RATİ: Avropa Şurasında sədrlik ərəfəsində Azərbaycan hakimiyyəti insan hüquqlarını kobud şəkildə pozur
Reportyorların Azadlıq və Təhlükəsizlik İnstitutu (RATİ) Azərbaycanda prezident seçkiləri ərəfəsində və ölkənin Avropa Şurasının sədrliyinə başlamasına səkkiz ay qalmış ölkə hökumətinin mülki və siyasi hüquqları məhdudlaşdırmasından, bununla da ölkənin Avropa Şurası qarşısındakı öhdəliklərinə əməl olunmasında ciddi uğursuzluğun baş verməsindən narahatlığını ifadə edir.
Özünün “222 saylı rəy: Azərbaycanın Avropa Şurası qarşısında fundamental azadlıqlarla bağlı götürdüyü öhdəliklərin yerinə yetirilməsi” adlı yeni hesabatında təşkilat Azərbaycanda fundamental ifadə, birləşmə və sərbəst toplaşma azadlıqları ilə bağlı acınacaqlı durumdan dolayı həyəcan təbili çalır. Hesabat Kopenhagendə yerləşən qeyri-hökumət təşkilatı - Beynəlxalq Mediaya Dəstək (International Media Support və ya IMS) təşkilatının dəstəyi ilə hazırlanıb.
“Səkkiz aydan sonra Azərbaycan Avropanın rəsmi insan hüquqlarını müdafiə qurumuna sədrlik edəcək. Avropa Şurası onun adından kimin danışacağı məsələsinə diqqətlə yanaşmalıdır. Biz demirik ki, Şura Azərbaycanın sədrliyindən imtina etsin, bizim istəyimiz odur ki, o, insan hüquqları ilə bağlı öhdəliklərin icrası məsələsində daha sərt xətt tutsun. Əgər üzv dövlətlər açıq-aşkar pozuntulara rəğmən heç bir məsuliyyət daşımırlarsa, Avropa Şurasının qaydalarına və müqavilələrinə əməl etmirlərsə, insan hüquqları öz aktuallığını itirir”, - RATİ-nin direktoru Emin Hüseynov bildirib.
Azərbaycanın 2001-ci ildə Avropa Şurasına qoşulmasından bəri ölkədə tənqidi fikirləri səsləndirmək üçün məkan getdikcə daha da məhdudlaşır. Hüquq müdafiəçiləri, müstəqil vətəndaş cəmiyyəti təşkilatlarının nümayəndələri, siyasi müxalifətin üzvləri, fəallar və sadə vətəndaşlar hakim rejimin fundamental hüquqlara və azadlıqlara qarşı təzyiqlərinin qurbanı olublar.
Beləliklə, RATİ Avropa Şurasını, həmçinin ona üzv olan ayrı-ayrı dövlətləri Azərbaycanda insan hüquqları ilə bağlı böhranlı duruma laqeyd yanaşmamağa və ölkədə fundamental insan hüquqları və azadlıqlarının ciddi və davamlı şəkildə pozulmasını pisləməyə çağırır.
Hesabatla tanışlıq üçün: http://www.irfs.org/wp-content/uploads/2013/10/Opinion-No-222_Implementation_of_Azerbaijan_commitments_to-the_Council_of_Europe.pdf . --06D--
-
- İqtisadiyyat
- 1 Oktyabr 2013 12:00
-
- İqtisadiyyat
- 1 Oktyabr 2013 12:21
Siyasət
-
İyulun 28-də saat 17.40 radələrində Ermənistan silahlı qüvvələrinə məxsus kvadrokopter Laçın rayonu istiqamətində Azərbaycan ordusunun mövqeləri üzərində kəşfiyyat uçuşları həyata keçirməyə cəhd göstərib.
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
Rəy yaz