Açiq mənbələrdən foto.
Bakı/18.08.20/Turan: Xalq Cəbhəsi Partiyasının gənc fəalı Fuad Əhmədli 4 illik həbs müddəti bitdikdən sonra bu gün səhər tezdən 16 saylı cəzaçəkmə müəssisəsindən azad edilib.
Fəal bildirib ki, AXCP sıralarında siyasi mübarizəni davam etdirəcək. Həbsdən öncə iki əməliyyat keçirmişdi və həbsxanada onun vəziyyəti daha da pisləşib, xeyli çəki itirib və görmə qabiliyyəti pozulub.
Bununla belə, fəal ruh yüksəkliyini qoruyub saxlayır və digər siyasi məhbusların azad olunması üçün onların hüquqları uğrunda mübarizə aparmağa hazırdır.
* Fuad Əhmədli 2016-cı ilin avqustunda “Əməliyyat- axtarış fəaliyyəti haqqında” qanunun pozulması və “Azerfon” mobil telefon istifadəçilərinin şəxsi məlumatlarının yayılması ittihamı ilə həbs edilmişdi. Bundan əlavə, o, vəzifə səlahiyyətini aşmaqda ittiham olunurdu.
2017-ci il iyunun 16-da 4 il azadlıqdan məhrum edilmişdi. Sonradan Apellyasiya Məhkəməsi və Ali Məhkəmə hökmü qüvvədə saxlamışdılar. Hüquq müdafiəçiləri F.Əhmədlini siyasi məhbus kimi tanıyıblar.
Məhkəmələr Fuad Əhmədlini iki dəfə vaxtından əvvəl şərti azadlığa buraxmaqdan imtina ediblər. –03B06-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz