Dağıstandan daha 400 nəfər Azərbaycan vətəndaşı qayıdıb

Bakı/18.08.20/Turan:  Bu gün Rusiyadan Azərbaycana quru yolu ilə 400 nəfər Azərbaycan vətəndaşından ibarət növbəti qrup gəlib. Onlar “Samur” sərhəd-keçid məntəqəsinin yaxınlığındakı karantin zonasında yerləşdirilib. Bu barədə Turan-a qayıdan şəxslərin özləri bildiriblər.

Sərhəddən keçid çərşənbə axşamı həyata keçirilir. Adətən gələnlərin sayı 250-260 nəfər olur.

Son qrupun sayının artması, görünür, Vətənə qayıtmaq istəyən Azərbaycan vətəndaşlarının sərhəddə böyük axını ilə bağlıdır.

Ötən gün Dağıstanın  Qullar kəndində və onun ətrafında yerləşən çadır düşərgəsində 1100 Azərbaycan vətəndaşı vardı. Son bir həftədə qayıtmaq istəyənlərin sayı kəskin şəkildə artıb.

Qullarda çadır düşərgəsi may ayından var. Qullardakı azərbaycanlılar iyunun 15-də etiraz aksiyası keçirərək onları sərhəddən evə buraxmağı tələb ediblər. Yerli polislə toqquşmalar zamanı 90- dan çox adan saxlanılıb. Onlardan 10-u cinayət məsuliyyətinə cəlb olunub, qalanları on günədək inzibati həbs cəzası alıb.

Hüquq müdafiəçiləri Azərbaycan hakimiyyətini ölkə vətəndaşlarının Vətənə qayıtmasına maneələr yaradıldığı üçün tənqid ediblər ki, bunun bir sıra beynəlxalq konvensiyalara zidd olduğunu bildiriblər.06B-