![Gecə Nardaranda sakitlik olub](https://turan.az/resized/media/2015/main/112700137898-750-500-resize.webp)
Gecə Nardaranda sakitlik olub
Ötən gecə Nardaran qəsəbəsində nisbi sakitlik olub. Altı nəfərin ölümü ilə nəticələnən dünənki insidentdən sonra yeni olaylar baş verməyib.
Bir qrup gənc qəsəbənin küçə və meydanlarına nəzarət edib. Qəsəbəyə girişdə daşlardan barrikadalar qurulub.
Xatırladaq ki, ötən gün xüsusi təyinatlı polis qüvvələri qəsəbədə əməliyyat keçiriblər. “Müsəlman birliyi” hərəkatının lideri Taleh Bağırzadə həbs edilib. Əməliyyat zamanı odlu silahdan istifadə olunub. Dörd nardaranlı gənc və iki polis əməkdaşı həlak olub.
Belə vəziyyətdə hakimiyyətə, ilk növbədə DİN rəhbərliyinə ciddi suallar ortaya çıxır.
Namaz vaxtı bu cür kobud əməliyyatın keçirilməsi, qadın və uşaqların toplandığı yerdə silah tətbiq etməklə insanların tutulması nəyə lazım idi?
“Müsəlman birliyi” hərəkatının Bakıda ofisi var və liderlər müntəzəm olaraq orada otururlar. Onları orada və ya yolda həbs etmək olardı. Nardaranın mərkəzində qırğın törətmək nəyə lazım idi? Yerli əhalini hakimiyyətə qarşı qaldırmaq üçünmü?
T.Bağırzadənin tərəfdarlarının iqtidara qarşı silahlı qəsb hazırlaması barədə hakimiyyətin fikirləri gülüncdür və inandırıcı deyil. Çox güman ki, bu, çox sayda qurbanın olmasına haqq qazandırmaq və məsuliyyəti əməliyyatın ixraçılarından yayındırmaq cəhdidir.02В-
-
- Foto sessiyalar
- 27 Noyabr 2015 02:50
-
- Cəmiyyət
- 27 Noyabr 2015 11:03
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz